影片
更多
2024-07-23
619 瀏覽
👎🏻 試咗一次之後 真係冇下次 有得揀嘅話，我一粒星都唔會俾👎🏻環境👎🏻：- 第一次見韓燒餐廳唔開冷氣🥵 (睇圖片) 嗌佢開冷氣好似得罪咗佢咁 一路食一路爆汗 夏天熱到咁 你咁樣都慳？ 熱到底褲都濕埋。。- 啲冷氣機污糟到爆 鋪滿塵 (睇圖片) 可能佢唔開冷氣都係一件好事 如果唔係啲塵吹晒落嚟😂- 個地油到 差啲跣死 (大家小心啲 請企穩)- 樓面 廚房 瘋狂跌嘢 - 侍應們的士氣非常低落 服務態度👎🏻：- 完全沒有服務可言，揮極手嗌佢哋都冇反應。嗌落單嗌咗差唔多成5分鐘先有人理。有幾多台客五隻手指數得晒。唔係咁都叫忙吖嘛？一共有四位侍應喎。呢啲咪叫鬥懶囉。你又唔做 我又唔做 叫個客自己搞掂佢啦 👇🏻- 開咗個爐又唔話俾人知係你哋燒定我哋自己燒 去韓燒通常都係侍應會幫手燒埋。等咗差不多10分鐘都冇人來幫我哋燒。之後問吓個後生四眼女侍應 佢話依度係自助服務喎。嗰一刻真係覺得好無奈。如果要自己燒，我不如喺屋企食😓- 唔明點解咁嘅服務都值10%嘅service charge食物👎🏻：- 🥬 啲生菜冇洗過 (睇圖片) 有pat黑啡色嘅嘢喺啲菜表面唔知係嚟，唔知係啲泥定係廚房彈咗啲醬汁落去
👎🏻 試咗一次之後 真係冇下次 有得揀嘅話，我一粒星都唔會俾👎🏻
環境👎🏻：
- 第一次見韓燒餐廳唔開冷氣🥵 (睇圖片) 嗌佢開冷氣好似得罪咗佢咁 一路食一路爆汗 夏天熱到咁 你咁樣都慳？ 熱到底褲都濕埋。。
- 啲冷氣機污糟到爆 鋪滿塵 (睇圖片) 可能佢唔開冷氣都係一件好事 如果唔係啲塵吹晒落嚟😂
- 個地油到 差啲跣死 (大家小心啲 請企穩)
- 樓面 廚房 瘋狂跌嘢
- 侍應們的士氣非常低落
冷氣機
0 瀏覽
1 讚好
0 留言
環境
16 瀏覽
1 讚好
0 留言
服務態度👎🏻：
- 完全沒有服務可言，揮極手嗌佢哋都冇反應。嗌落單嗌咗差唔多成5分鐘先有人理。有幾多台客五隻手指數得晒。唔係咁都叫忙吖嘛？一共有四位侍應喎。呢啲咪叫鬥懶囉。你又唔做 我又唔做 叫個客自己搞掂佢啦 👇🏻
- 開咗個爐又唔話俾人知係你哋燒定我哋自己燒 去韓燒通常都係侍應會幫手燒埋。等咗差不多10分鐘都冇人來幫我哋燒。之後問吓個後生四眼女侍應 佢話依度係自助服務喎。嗰一刻真係覺得好無奈。如果要自己燒，我不如喺屋企食😓
- 唔明點解咁嘅服務都值10%嘅service charge
食物👎🏻：
- 🥬 啲生菜冇洗過 (睇圖片) 有pat黑啡色嘅嘢喺啲菜表面唔知係嚟，唔知係啲泥定係廚房彈咗啲醬汁落去🤔 最後成碟生菜都冇食過 因為覺得好嘔心 唔敢食
- 🐖 五花腩 係食過最薄嘅五花腩🐖 燒到咁上下傳來一陣臭豬味。食落去都有。我哋最後只係試咗一片 就決定放棄啦🙅🏿🙅🏾♀️🙅🏻♂️ 無謂食啲唔好嘅嘢落肚。
- 海鮮煎餅: 嚟到嘅時候同網上嘅圖片一樣 好似好靚 好似好脆。可惜食落去個質地原來係腍啤啤嘅😅 同埋佢個煎餅麵粉非常劣質 只係食到麵粉嘅味。怪怪地咁。最後放返上個燒爐度整返脆佢。
- 🐄 特大王排骨: 味道可以接受 醃耐咗 有少少鹹
生菜
8 瀏覽
0 讚好
0 留言
五花腩
18 瀏覽
0 讚好
0 留言
特大王排骨
7 瀏覽
0 讚好
0 留言
海鮮煎餅
6 瀏覽
0 讚好
0 留言
21 瀏覽
0 讚好
0 留言
唔係詛咒你執笠 但係今時今日嘅餐廳 喺呢個市道之下，如果啲食物難食、服務又冇嘅話，真係等執笠👎🏻 祝你哋好運 前程似咁😅
(最後張相係我哋食剩嘅食物 難食到唔可以再食落去 被迫做咗大嘥鬼)
食剩嘅食物 難食到唔可以再食落去 被迫做咗大嘥鬼
35 瀏覽
0 讚好
0 留言
張貼
