春水堂 (東港城) (已結業)

今日下午嚟呢間環境清幽有詩意嘅台式試下，朋友都幾鐘意食台式粉麵，門口係沖調台式飲品嘅水吧位，有一兩張枱，原來行入去餐廳裏面好大，灰紋嘅牆上掛滿一幅幅畫及字畫，客人亦唔多，感覺都幾舒服。我哋叫咗小食及麵，朋友係咁話好好味。鐵觀音可可流沙包，奶茶公仔好得意，包又熱又軟，朱古力流心唔會覺得好甜好漏。紅燒牛肉麵，朋友係咁話好味。御品三寶牛肉麵，牛肚唔會太淋有咬口，牛肉，牛𦟌又夠淋，湯都好味。凍茉香奶茶。熱珍珠奶茶，熱飲應該唔好揀珍珠。