Chilli Lime (MONTEREY Place)

營業中

休息中

呢間餐廳平時經過咗無數次，外面望以為平平無奇，今次入到去發現環境又chill 又有格調，今晚仲見到有2枱人係度慶生添。食物方面有好多選擇，越式、泰式、印度嘅嘢食都有，而且都幾高質！ 🤍《泰式椰菜苗》鍾意蒜蓉嘅一定要嗌呢個炒菜，用咗新鮮蒜蓉加炸蒜去炒， 入口蒜香大爆發！ 熱騰騰嘅菜苗亦炒得夠嫩口，正！🤍《天多利烤鱸魚》呢條鱸魚用咗印度出名tandoori 烤雞嘅方式去整 ，用大量的香料同希臘乳酪醃製，令香味封鎖在魚肉入面，食落仲有煙熏味，點埋個薄荷醬就完美喇🤍《越式軟殼蟹米紙卷》包住青瓜絲、甘筍絲、生菜、牛油果同軟殼蟹，爽脆有咬口，加上蟹籽芥末沙律醬， 清新開胃🤍《泰式乾炒河粉（雞肉）》呢個河粉炒的夠乾冇黐埋一嚿嚿，入味非常，材料亦豐富：雞肉、炒蛋、芥蘭、粟米仔、椰菜花， 出色嘅係食得出有鑊氣！🤍 《椰子雪糕》自家製嘅椰子雪糕，食落去唔係軟滑嘅口感，而係似冰沙嘅口感，雪糕入面加咗果仁增加咬口。