Gastrobox The Union (已結業)

女朋友話要食西餐，於是搵左呢一間Gastrobox，佢喺堅尼地城站附近，行8分鐘左右就到十分方便。一入門口，就被去英式風格嘅裝修深深吸引着，藍色嘅梳化長凳，分外有feel。餐牌有好多選擇，樣樣野都好似好好食咁，於是就叫咗個龍蝦湯先，仲有蕃茄水牛芝士煙三文魚蟹肉沙律。龍蝦湯味濃鮮甜，係開胃之選。水牛芝士沙律不得了，冰凍又軟綿嘅芝士，帶黎清新嘅味道，蟹肉鮮甜，以前菜來講真係無可挑剔。呢個沙律咁好食，忍唔住又叫多個鵝肝沙律。鵝肝皮脆內軟，而且係鵝肝下邊有一塊薄薄嘅梨片，梨片嘅甜味中和左鵝肝嘅豐腴油脂，絕佳配合！👍🏼令人更加期待佢嘅主菜。肉眼扒先上枱，未食已經香味四溢。輕輕一切，已經感受到裏邊好juicy，入口細嚼，微微嘅碳香，剛好5成熟的肉質，無比可口。絕對值得encore😋比目魚蟹肉大啡菇同樣令人有驚喜。比目魚魚皮煎得香脆，魚肉滲出魚油嘅香味，一向唔太鍾意食魚嘅我都覺得好好味。蟹肉鮮甜，配合大啡菇又係一個絕佳嘅配搭。而佢嘅Cocktail令人飲完一杯又想再飲多杯。首先喺Menu叫咗杯Around the world special，飲落微微嘅酸味又唔會太濃烈嘅酒味，清新得來又有酒香，就連一