北海道爐端燒 (已結業)

呢間日本餐廳雖然唔算大，但爐端燒、壽司、刺身、拉麵、炒飯、串燒、酒... 應有盡有［北海道蟹蓋蟹肉蟹膏燒，$78/隻］蟹蓋內填滿蟹肉同蟹膏，將鵪𪂹蛋同少少酒拌均就可以燒間唔中攪拌吓蟹膏味道好濃郁，整體食落十分鮮味［磯燒鮑魚，$62/隻］鮑魚唔算大隻，上枱前已經剝殼切半。加少少酒再燒更突出鮮味，食落彈牙［日式酒蒸大蜆，$68］呢個湯除咗大蜆外仲有帶子，加上檸檬調味，整個湯好清甜［左口魚邊壽司，$48］左口魚邊油脂多、肉質軟滑，食落入口即溶，油香甘醇［鵝肝帆立貝火炙壽司，$68］鵝肝外表雖然望落好似乾乾哋，但佢內裡其實仲係半生熟，同帆立貝亦原來好夾［稻草烤塩鰹刺身，$98］鰹魚本身味道比較腥，但經過用稻草生嘅火烤過後，可以去除鰹魚一定程度嘅腥味，而且加上一陣稻草香味，香氣更多層次刺身夾住蔥同蒜片，再點一點醬汁，集鮮味、咸香味於一身，味道十分豐富［蘆筍豚肉串，$32］蘆筍又大條又爽脆，吸咗豚肉嘅油香味，點一點碟邊嘅檸檬芥末，更香口美味［煙肉蠔串，$32］蠔燒至半生熟，散發住濃濃嘅鮮味，而煙肉帶少少肥膩感，但出乎意料地同蠔肉好夾