影片
更多
2017-08-22
355 瀏覽
話說今天同朋友一齊去番本食放題，未入座前就係出面等埋2個朋友黎先再入座，咁我朋友就係嗌飛counter拎左一疊貴餐廳已釘裝好的一份放題紙(大約10張左右，細細張，每一張都係唔同既類型，有刺身、炸物、湯物、飲料等等....）相信食開放題既大家都知我講邊d。咁揀完第一輪想食咩之後就差不多齊人入座。入到去坐底，將一疊本身已經釘好左既放題紙填好哂台號（其中有一張係無野食要叫，咁我就直接skip,其他每一張都有畫到野食，所以我無特登分開，成疊比個服務員。重點黎啦，佢接過果疊放題紙之後就係我面前好大力咁將一頁頁撕返開，撕到拍拍聲，都算，我當佢唔夠力分開d紙所以要咁。點知過左陣佢行近2步埋黎我度，拎住果張我唯一無寫野果張放題紙，咩都無講，就咁用隻手舉高張紙去到我eye level既位置，就咁望住我。咁我見佢唔出聲我咪同佢講：「係啊淨係呢張無寫過野食。」佢之後即刻講：「無寫過野果d紙呢其實唔洗遞架唔該！」跟住佢就等我拎返張紙之後先轉身走左....我真係O哂嘴...釘又係你地將咁多張釘埋一齊，依加我又唔係10張裡面有9張無寫野，我又唔係做錯d咩，點解要咁差既態度？ 講真，要你recognise張無落單既
入到去坐底，將一疊本身已經釘好左既放題紙填好哂台號（其中有一張係無野食要叫，咁我就直接skip,其他每一張都有畫到野食，所以我無特登分開，成疊比個服務員。
重點黎啦，佢接過果疊放題紙之後就係我面前好大力咁將一頁頁撕返開，撕到拍拍聲，都算，我當佢唔夠力分開d紙所以要咁。
點知過左陣佢行近2步埋黎我度，拎住果張我唯一無寫野果張放題紙，咩都無講，就咁用隻手舉高張紙去到我eye level既位置，就咁望住我。咁我見佢唔出聲我咪同佢講：「係啊淨係呢張無寫過野食。」佢之後即刻講：「無寫過野果d紙呢其實唔洗遞架唔該！」跟住佢就等我拎返張紙之後先轉身走左....我真係O哂嘴...釘又係你地將咁多張釘埋一齊，依加我又唔係10張裡面有9張無寫野，我又唔係做錯d咩，點解要咁差既態度？ 講真，要你recognise張無落單既放題紙再好好處理 都唔係好過份姐下話？更何況我又唔係有心........真係無言。
我覺得.. 有好多句子都代替到貴公司員工果句令人好有hard feeling既對答：「請問小姐呢張係咪無食物要order?」「「請問小姐呢張需唔需要點食物？無既話可以比返你陣間點食物用。」即係咁..可能你會話食得放題唔好預有服務可言，但咁樣會唔會離譜左少少？一入座咩都未做就要比貴公司既員工串，成餐飯都食得唔安落。
講真，如果真係對份工太厭惡/對唔到客 真係唔好做服務業（特別係飲食業）再者，我唔知你落單係要一張張分開，更何況唔係我釘埋一齊，我亦無為意貴公司員工會為左一張紙黎咁樣對客人。咁如果要我一張張分返開再落單咁不如我出埋你份糧你乜都唔洗做啦做到咁樣。
野食幾好食都好，比人咁樣串一串.....真係一個十分不愉快既晚上。
（2017年8月21日，1910-2130，員工岡位約118號台前，男戴眼鏡員工）
請加以培訓 不想再有其他食客受到這般對待。
張貼