影片
更多
2024-11-15
601 瀏覽
老友同我慶生，我就揀咗呢度試！🥳尖沙咀區地點都好方便同易搵，美麗華酒店直行金巴利廣場斜對面。朋友已經到咗，我有事遲咗少少07:0Xpm到，未入喺門口已經見到入邊非常之熱鬧，可能係happy hour，差唔多坐滿人，店家好貼心，幫我哋安排最入邊張枱比較靜。之前有做功課研究過餐牌，3個人我哋叫咗個二人套餐，但主菜就改咗，冇咗想試嘅火焰香草烤三黃雞，本身諗住都叫多少少嘢㗎啦，所以大家就話散叫啦！😅今日餐湯係周打魚，但因為我唔食魚，所以就加錢upgrade咗龍蝦湯，店家好貼心送多一個餐湯俾我哋。😘周打魚湯正常，龍蝦湯非常之濃郁，而且有個迷你牛角包🥐，好味。兩款前菜，想揀海膽牛角酥但冇，所以就揀磯煮鮑魚&燒牛肉他他配牛油果🥑，兩個前菜賣相都幾精緻，鮑魚正常，新鮮味道唔錯，燒牛肉他他有驚喜，味道好而且份量一啲都唔少🥑亦好新鮮。兩杯飲品我哋揀咗唔使錢嘅玫瑰荔枝茶，呢個就好普通，而且味道比較淡。飯或意粉揀咗香草忌廉意大利飯，意大利飯整得好合格，而且料亦唔少，味道亦好，細細碟但佢同燒牛肉他他都有啲膩，食咗之後覺得有少少飽感。😳主菜比較耐上，而且仲有隻雞，所以初頭想取消隻雞，但大家都想試而且可能都整緊，所
之前有做功課研究過餐牌，3個人我哋叫咗個二人套餐，但主菜就改咗，冇咗想試嘅火焰香草烤三黃雞，本身諗住都叫多少少嘢㗎啦，所以大家就話散叫啦！😅今日餐湯係周打魚，但因為我唔食魚，所以就加錢upgrade咗龍蝦湯，店家好貼心送多一個餐湯俾我哋。😘周打魚湯正常，龍蝦湯非常之濃郁，而且有個迷你牛角包🥐，好味。兩款前菜，想揀海膽牛角酥但冇，所以就揀磯煮鮑魚&燒牛肉他他配牛油果🥑，兩個前菜賣相都幾精緻，鮑魚正常，新鮮味道唔錯，燒牛肉他他有驚喜，味道好而且份量一啲都唔少🥑亦好新鮮。兩杯飲品我哋揀咗唔使錢嘅玫瑰荔枝茶，呢個就好普通，而且味道比較淡。飯或意粉揀咗香草忌廉意大利飯，意大利飯整得好合格，而且料亦唔少，味道亦好，細細碟但佢同燒牛肉他他都有啲膩，食咗之後覺得有少少飽感。😳主菜比較耐上，而且仲有隻雞，所以初頭想取消隻雞，但大家都想試而且可能都整緊，所以話食唔晒就拎走啦！🤣牛柳配大蝦，叫七成最好再熟少少，因為我哋三個都怕生，特別我兩個friend平時見少少類似血水（肉汁）佢哋都會唔多食。🙈上嚟切開其實應該啱啱七成，切開都有唔少肉汁嘅，所以佢哋兩個就食頭尾我就食中間，牛柳質素唔差，切落去感覺比我哋預期生，但冇平時有啲太生嚼唔多到，所以真心唔錯。👍🏻之後期待嘅🔥燒雞到場，真係幾有驚喜，而且估唔到咁大隻，所以都要問佢攞個盒拎走半隻，如果二人餐本身個主菜有得揀佢，我哋三個女仔可能叫多一個小食或前菜已經好夠，咁就抵食經濟啲，隻雞真係冇叫錯，好味之餘而且好滑，連平時比較嚡嘅雞胸佢都唔嚡，呢個真係值得試。🤤最尾仲有驚喜，老友訂位時候講咗有朋友生日，店家話盡量安排，最後都安排咗小蛋糕同火焰燭火💥，今日用餐過程非常之開心，店員全部都好有禮貌而且態度好好，估唔到英倫風樓上吧食物質素一啲都唔差，真係值得一試，過咗一個愉快嘅晚上。🥰
利申只係上網search見到呢間餐廳去試，冇任何用餐款待或試食優惠，兩個朋友請我食生日飯，加埋一應該$10XX左右，店家淨係送多個餐湯同生日蛋糕仔俾我哋。😅我見店家都好識做同埋好好禮貌，所以先寫咁大段食評支持吓。😛
張貼
