Lagom Kaffe (已結業)

揀兩點幾嚟食lunch，避開咗最多人嘅時間。餐廳面積好大，仲有戶外位置，夜晚嚟chill應該好正😻兩個人叫左一個意粉、一個熱食、兩杯飲品、兩件蛋糕🍰香料雞肉蕃茄醬長通粉🍝蕃茄醬汁濃厚，酸甜適中。第一啖唔小心食到黑椒，所以成日凝住佢好辣，越嚟越開胃。雞扒炒得啱啱好，無雪藏味，識落，有少少檸檬香。火箭菜配搭得好好，不但增添色彩，更令到我冇咁有罪惡感。蟹肉餅斑尼迪克蛋平時食egg benefict下面都跟sourdough同火腿，已經食到有啲厭。如果唔食碳水，蟹餅應該係一個唔錯嘅選擇。荷蘭醬酸酸甜甜，上面有少少蟹子點綴，水波蛋望落好飽滿，見到想一啖食落肚！旁邊嘅沙律絕對唔頹，有秋葵、青瓜、raddish、羅馬生菜、藍莓等配搭，中和左、荷蘭醬同水波蛋嘅肥膩感🫶🏻Brownies 跟餐加錢就可以叫，望落已經知道實的的嘅brownies😍果然不負我所料，仲有精美擺盤！士多啤梨撻睇圖片有嗰種日式士多啤梨撻嘅感覺，上菜嘅時候，發現佢加咗啲士多啤梨醬，好似出邊賣緊60幾蚊一件咁，超抵食！