119 Italio Restaurant & Bar (已搬遷) 新店位置

今日和太太往太子居廬晉家門食lunch, 見到店舖好有中國古典大屋feel, 感覺柔和舒服。我們點了荷蘭椰菜沙律, 巴馬火腿配意式流心布袋芝士沙律, 扁意大利粉配海膽, 帶子、露筍配淡忌廉汁、澳洲和牛漢堡和凍上布奇諾。荷蘭椰菜沙律, 食落酸酸甜甜, 椰菜好爽口, 配上香草的沙律, 食落口感豐富, 十分醒胃；巴馬火腿配意式流心布袋芝士沙律, 賣相一流巴馬火腿味道適中, 意式流心布袋芝士好香芝士味, 一切落去有濃香芝士流出, 配上沙律菜一同食, 食落口感好有層次, 好食的前菜；澳洲和牛漢堡,牛肉味香濃, 配上新鮮洋蔥, 蕃茄和生菜, 食落好豐富, 味道一流；扁意大利粉配海膽, 帶子、露筍和淡忌廉汁, 海膽味道香滑, 入口即熔, 帶子大大隻煎得甘香, 好彈牙；意大利粉配上淡忌廉汁食落好滑, 加上配上露筍, 露筍好爽口, 整個意大利粉食落好有層次,不太油膩, 好高水準；最後凍卡布奇諾咖啡香滑, 忌廉好滑好香。餐廳環境舒適, 食物美味, 三五知己聚會好地方。