影片
更多
2019-12-08
6794 瀏覽
最近唔知發生咩事，當某幾間連鎖壽司店因政治取態被人嫌棄，就咁啱有幾間日本壽司店殺入香港開分店，頑固壽司就係其中一間。聽聞在日本頑固壽司好平，壽司都係100yen起，因此有網媒更將佢同x鮮比較。港人對壽司嘅熱愛程度係高到難以想像，加上大概受政治風向所影響，導致啱啱開張，港人一窩蜂咁去朝聖，小弟係其中一位，但坦白講，後悔了餐廳6點開門，咁我地就5點9左右到達，嗰陣條龍已經係轉咗一個彎（唔識點形容，有興趣就自己去體驗下，反正我冇興趣去第二次）目測大概兩輪先入到去，但既然黎到，就排下當朝聖一排就排咗2個幾鐘！咁我原本就以為係食客花時間享受食物，所以時間比較耐，所以唔應該抱怨d咩但入到去先知咩事，我可以好肯定等咁耐絕對唔係關食客事，係關餐廳事！我隔離其實可以坐多2個人，但又遲遲唔放人入黎，其他幾張枱都係咁情況。我就心諗係唔係餐廳特登儲人龍，但原黎又唔係，而係餐廳出食物嘅速度慢到離譜！就算餐廳坐唔滿人，個速度都應付唔到。我落完單之後，等咗足足20幾分鐘先黎得呢2舊壽司！排2個幾鐘+等20幾分鐘先得嗰2舊壽司，火都黎。令人咋舌嘅係等待途中有服務員問我地有咩食物仲未到，但其實係一樣都冇到啊！坦白講我地
聽聞在日本頑固壽司好平，壽司都係100yen起，因此有網媒更將佢同x鮮比較。港人對壽司嘅熱愛程度係高到難以想像，加上大概受政治風向所影響，導致啱啱開張，港人一窩蜂咁去朝聖，小弟係其中一位，但坦白講，後悔了
餐廳6點開門，咁我地就5點9左右到達，嗰陣條龍已經係轉咗一個彎（唔識點形容，有興趣就自己去體驗下，反正我冇興趣去第二次）目測大概兩輪先入到去，但既然黎到，就排下當朝聖
一排就排咗2個幾鐘！咁我原本就以為係食客花時間享受食物，所以時間比較耐，所以唔應該抱怨d咩
但入到去先知咩事，我可以好肯定等咁耐絕對唔係關食客事，係關餐廳事！我隔離其實可以坐多2個人，但又遲遲唔放人入黎，其他幾張枱都係咁情況。我就心諗係唔係餐廳特登儲人龍，但原黎又唔係，而係餐廳出食物嘅速度慢到離譜！就算餐廳坐唔滿人，個速度都應付唔到。
我落完單之後，等咗足足20幾分鐘先黎得呢2舊壽司！排2個幾鐘+等20幾分鐘先得嗰2舊壽司，火都黎。
令人咋舌嘅係等待途中有服務員問我地有咩食物仲未到，但其實係一樣都冇到啊！
坦白講我地等緊食物嘅時候，已經聽到好幾枱食客要取消order，甚至有人直接向服務員反映速度慢到接受唔到，相信唔只我地頂唔順個速度
價錢方面伏到喊，說好的100yen起呢？網媒果然信唔過，呢度一件壽司係20幾蚊起跳，望到個menu我真係愕然了，希望大家唔好將呢間餐廳同x鮮比較喇！根本唔係同類好嘛？
整體用餐體驗都好差，坐bar枱嗰幾個有錢佬應該飲多咗幾杯，全程高談闊論，大大聲笑，又開曬手機大大聲播歌，佢地就有師傅專門服務，我地其他食客坐下面大枱嘅就等餐死，感覺好唔舒服，亦感覺被冒犯
另外希望服務員小心d，好幾次在我背後行過都踢到我張凳，已經盡量拍到最入都係踢到我。本身就好小事，但咁啱遇到上面唔愉快嘅經歷，會搞到火上加油
持平d講，食物方面真係唔錯，食材係鮮美，尤其甜蝦，好鮮好綿，絕不是廉價之流
總結：食物雖好，但整體用餐體驗極差！相信好食嘅壽司唔只佢一間，所以絕對唔會再有下次。
張貼
