影片
更多
2018-09-16
136 瀏覽
今日星期日，因為要同班老細食飯，所以特登向中環揀咗一間高級嘅中菜。今次我哋就選擇咗中華滙館。呢間餐廳位於史丹頓街，附近美食林立，點解會選擇佢呢？其實係因為上網見到好多唔同佢哋嘅介紹，心目中都有幾味菜想試吓，所以就揀咗呢間餐廳啦。話梅南瓜前菜我哋叫咗南瓜，呢一款南瓜就特別啦，因為佢係用咗話梅汁同埋橙汁製作而成嘅，當你食下每一口南瓜嘅時候，橙汁味道同埋話梅味道就會全部擁晒出嚟，而且溫度適中，不冷不熱，攞嚟做開胃菜就一流啦。鹿兒島茶豚肉叉燒跟住我哋就叫咗一個鹿兒島黑毛豬叉燒。呢個叉燒就犀利啦，佢嘅黑毛豬係用上抹茶作為佢嘅治料，所以肉質非常之爽口，肉味非常之香，一啲都唔肥膩。配上香口嘅蜜糖醬，簡直一流，令人到而家都一試難忘。炸田雞腿跟住我哋就叫咗一個炸田雞腿，田雞腿炸得非常之鬆脆，溫度剛剛好，令到田雞腿入邊嘅肉汁全部鎖住，食田雞腿好似食雞髀咁樣，值得一試啊。懷舊八寶鴨再嚟我哋就叫咗一個八寶鴨，八寶鴨入邊用咗唔同嘅配菜去釀製，八寶鴨要花好多心機同埋時間去製作，完全吸收晒佢醬汁嘅味道，連鴨皮都好適合食埋落肚，呢隻鴨簡直冇得頂呀。上湯腐竹浸娃娃菜跟住我哋就叫咗個鮮腐竹娃娃菜，新鮮嘅腐竹完全吸收左濃湯
話梅南瓜
前菜我哋叫咗南瓜，呢一款南瓜就特別啦，因為佢係用咗話梅汁同埋橙汁製作而成嘅，當你食下每一口南瓜嘅時候，橙汁味道同埋話梅味道就會全部擁晒出嚟，而且溫度適中，不冷不熱，攞嚟做開胃菜就一流啦。
鹿兒島茶豚肉叉燒
跟住我哋就叫咗一個鹿兒島黑毛豬叉燒。呢個叉燒就犀利啦，佢嘅黑毛豬係用上抹茶作為佢嘅治料，所以肉質非常之爽口，肉味非常之香，一啲都唔肥膩。配上香口嘅蜜糖醬，簡直一流，令人到而家都一試難忘。
炸田雞腿
跟住我哋就叫咗一個炸田雞腿，田雞腿炸得非常之鬆脆，溫度剛剛好，令到田雞腿入邊嘅肉汁全部鎖住，食田雞腿好似食雞髀咁樣，值得一試啊。
懷舊八寶鴨
再嚟我哋就叫咗一個八寶鴨，八寶鴨入邊用咗唔同嘅配菜去釀製，八寶鴨要花好多心機同埋時間去製作，完全吸收晒佢醬汁嘅味道，連鴨皮都好適合食埋落肚，呢隻鴨簡直冇得頂呀。
上湯腐竹浸娃娃菜
跟住我哋就叫咗個鮮腐竹娃娃菜，新鮮嘅腐竹完全吸收左濃湯嘅味道，娃娃菜亦都好容易入口，同剛才食嘅八寶鴨濃烈嘅味道相映成趣。
蒜蓉炒粉絲
之後，我哋仲叫咗一個蒜蓉炒粉絲，粉絲非常之乾身，唔會非常油膩，唔食飯食返個粉絲都不失為一個好嘅選擇。
皇金馬拉糕
芝麻糕
合桃酥
最後，甜品我哋叫咗馬拉糕，芝麻糕，合桃酥，馬拉糕整得非常之好，一層層嘅馬拉糕中間隔着淡淡的鹹蛋黃，好清新啊。芝麻糕做得非常之爽口，合桃酥都做得好脆口。呢間餐廳無論前菜主菜同埋甜品都做得非常之好，而且環境清靜，但係交通方便，食開中環唔同中餐嘅你可以嚟呢度試吓。
張貼
