兩草 (銅鑼灣道) (已結業)

由大坑舊舖食到去新舖，一路都有支持，食物嘅質素保持到，依然價廉物美。可能因為疫情關係早前店舖沒有開門。 今日經過見佢有開於是立刻幫襯。可以話係招牌菜嘅燶邊蛋肉餅飯，依舊有水準，絕對值得一試。咖央多，之前做得比較出色，今日食有啲失水準。麵包烘得唔夠乾身，一食落口啲咖央同牛油多得滯比例錯咗，而且冇咗浸椰香味唔知係咪轉咗牌子。見到菜單有個新嘅肉骨茶米粉，一試就出事喇，完全冇肉骨茶味，又唔夠湯，好似滾水淥米粉一樣淡而無味，於是叫佢畀多啲湯，佢嘅回答係今次畀你下次就冇㗎喇！Ok唔緊要，下次我肯定唔會叫呢樣。總括嚟講食物質素舊有菜式係保持到嘅， 新菜式都係唔好嗌喇中曬伏，另外員工嘅 服務質素都好重要，希望老闆多加留意。