韓牛韓式燒烤 (已結業)

放工想同朋友食燒肉，好多舖頭都full booking唯有走到落去旺角搵吓啦，唔想排隊唯有就走咗上去呢間餐廳一試。見到價錢只係二百頭，都估到唔會真係有靚韓牛食㗎啦，應該都係普通嘅牛。一入去鞋底feel到有啲黐立立😪，已經扣咗啲分。.食物種類都OK多嘅，仲有啲熱食同埋刺身冇影到，不過通常嚟到呢啲韓燒舖頭我都唔會敢食刺身。驚好似以前食看漢和園咁，屙到想死。佢啲牛肉一般般，食完一round唔會再想夾。而其他肉類因為好多都係醃過，所以都估到係咩味。反而係個龍利柳唔差，會encore。.呢款碧螺春好似飲緊水一樣，冇味，唔係講笑。.雖然都唔會對甜品有太大期望，但係呢個芋圓真係咬落去一言難盡。好似喺啲水浸咗好耐好耐好耐，淋到一咬就散，口感有啲奇怪。 .總括嚟講呢個價錢同呢個質素我覺得係OK嘅，不過自己就未必會再去幫襯。