泰式東王

營業中

休息中

一行四人到泰式燒王光顧晚市，牛雞豬魚嘅燒烤同海鮮都有order，講真食物質素真係好一般，有啲失望。趕客自問我哋食嘢嘅速度正常快，啲嘢嚟齊都未食完，個大媽侍應已經喺度趕客，又企喺側跟望住你，又收你d杯同碟，又畀張單叫你埋咗先，真係畀佢吹脹。。晚市出嚟食嘢，有人等位係好正常，大媽冇理由咁樣就趕客走，喺香港食嘢咁耐真係冇試過。同埋唔夠位入客，係大媽自己安排不善，有三張四人枱，都只係安排咗兩人一組嘅客人坐，張兩人枱又冇人坐。繁忙時段佢咁樣安排係佢自己嘅問題，佢安排好少少，都唔使係到做咁多小動作騷擾我哋食嘢。總之唔會再幫襯啦。