上海香港麵家

營業中

休息中

環境不是太過四正，看落有點覺得污糟。由於地方不大，好多時候需要和隔離枱差不多要背貼背坐。食物質素方面不是有什麼特出之處，和普通一間上海菜只是差不多，不過如果一路以來有食開，會發覺食物份量就愈來愈少，例如叫碟上海粗炒，有點像食下午茶小碟份量般一樣，但是照收足七、八十蚊一碟。服務態度其實都一直不好，收碗碟嗰個唔知係咪老闆會掟啲杯杯碟碟落地下嘅膠桶，製造噪音，坐起側根有機會會被餸汁濺到。至於收錢嗰個事頭婆，你埋到去俾錢時佢反而會望住你，唔講幾錢就等你俾錢，嗰張手寫單寫到鬼畫符根本就冇寫價錢，你問佢幾錢佢就陰聲細氣，唔鹹唔淡嘅廣東話，你都唔知佢噏乜；問多佢一聲就即刻態度超差，好似亂開價咁，感覺有啲似你嚟幫襯佢，反而係同你有仇。呢啲咁嘅服務態度，仲話自己係做老鋪，一手一腳成全香港人北上消費。本地人如果有其他選擇，避免過來受氣；不推介給遊客，以免繼續影響香港形象。