上海香港麵家

營業中

休息中

呢間老字號相信大部分人都識，成日經過都想試，今日終於試到。識食一定係食粢飯！熱辣辣，啲糯米好煙靭，油炸鬼仲有少少脆，加埋啲肉鬆同榨菜好好食！如果唔係太飽，我會再encore多一個！仲飲咗酸辣湯，我食得酸，所以覺得唔夠酸，要另外加醋，個辣度就ok！正常發揮。一定會因為個粢飯再番嚟

平時我比較少吃粢飯，朋友推介說這家開了很久，粢飯很出名，就來試試～ 粢飯由糯米飯揉捏而成，而糯米飯包裹著油條、肉鬆、榨菜菜脯等，外面用塑料膜薄包裹著，需要吃的時候對半切開，簡單方便又好吃😋無糖豆漿上還有一層豆漿皮，豆味十足👍🏻 搭配粢飯很讚韭菜鮮肉鍋貼🥟，餡料很足，很大一顆，就是煎得不夠焦上海粗炒，味道浓郁而不腻，麵條幼滑菜肉雲吞，看上去普通，但這個超級推介，味道又鮮又好味👍🏻要去試試😋💓

呢間係位於銅鑼灣希慎廣場附近內街嘅一間上海餐廳，雖然店舖嘅裝修唔係話特別靚，但係講食物嚟講佢嘅食物絕對稱得上好食👍🏻👍🏻我最鍾意食佢哋嘅嫩雞煨麵❤️，呢個面嘅湯底好好味，我食完佢哋個麵都一定會有埋佢嘅湯！而且佢哋嘅麵軟硬適中👍🏻👍🏻配埋啲嫩雞同埋菜喺上面簡直就係絕搭！小籠包方面，一咬入去就即刻爆汁！都體現得出佢哋對於整小籠包係下左一番嘅功夫，大大個小籠包而且餡料亦都好足夠👍🏻👍🏻值得肯定！唯獨比較遜色一點就係佢哋鍋貼，可能味道唔太啱我嘅口味，所以我覺得佢比以上兩種嘅食物都比較遜色，不過都不妨可以試一試。

香港同事介紹嘅一間食豆制品嘅店。炸豆腐外脆內嫩，魚肉鮮美，仲有辣醬非常之好味道，不是太辣我食得慣。環境乾淨明亮，上菜好快。女老闆待客客氣， 禮儀周到，有香港舊風嘅風範。👍

見同事買過，這天都來試下，點知大失所望。🌟粢饭+冻豆腐花 46粢饭非常之失望，很硬，我在別家吃都沒有這麼硬的，熱不透。油條是好吃的，榨菜等一般。把餡吃完那米只能扔了…根本食唔落凍豆腐花是從玻璃櫃裡拿了兩碗倒到紙碗裡，再加蜜糖（？給我拎走，拿到office發現塑料蓋裂開，導致蜜糖水漏曬出來，唉，整到檯面和手污糟不說，影響食慾。好在豆腐花比較嫩，還是不錯的。觀察到店面衛生也比較一般，下次應該不會再來了。

以前中一嘅時候係銅鑼灣返學，依間上海野係我每日返學嘅必經之路久而久之地每朝早買一個新鮮熱辣包起既粢飯做早餐就變成左習慣一直到出黎做嘢先發現，原來好食既粢飯唔係咁易搵加上生活圈都脫離左港島區，所以都冇再特登返黎幫襯其實前幾年都特登返過嚟想買，但唔好彩地幾次都撞正冇開終於，今晚係無意既情況下經過見到有做生意我仲企定定望左陣，確認左仲係個位叔叔包既先敢落手買因為實在太掛住同太期待，所以到記得要影食物相既時候….我已經食完真心好食雖然價錢由十幾蚊變左廿幾蚊但都係嗰個味～料依然咁多油炸鬼依然咁香口～菜蒲都係咁重鹹香味

呢間舖頭已經好有歷史，以前讀書嚟食，做嘢出job嚟食，反而而家唔使再出job就好少再特登嚟呢間食野。咁啱媽咪成日都喺度講好想食粢飯，行完街我就諗住帶佢黎試吓，點知佢話要外賣今晚做晚餐。所以我哋就坐低叫咗個鹹豆漿同埋一個熱嘅甜豆漿，仲加多咗一份好耐未食過嘅豆沙窩餅😆鹹豆漿依然都係咁好味，蝦米香蔥榨菜，仲有我最愛浸到淋哂嘅油炸鬼！係上海嘅味道🫶然後口痕仲叫咗個豆沙窩餅，又未至於超好食，但係佢嗰個紅豆個甜味做得啱啱好，唔太甜，啱啱帶到紅豆個香味出嚟！唯一有少少挑剔嘅，就係嗰個皮唔夠脆，不過唔知係咪呢度嘅特色嚟㗎呢？要讚賞嘅個紅豆味真係好香🫶最後Mami個粢飯我係冇影到相嘅，因為外賣拎走咗，但係媽咪話好好食，本身呢我哋仲想話加多啲肉鬆，點知加肉鬆嘅話會去到$43，我哋就放棄咗，我覺得其實姐姐係唔想大家成日話加肉鬆先至加到咁貴，不過冇乜所謂啦，其實都好好食❤️

一碗外賣上海湯年糕 $82 蚊返嚟睇睇食評，見到有餐牌，撳入去睇上面個價錢係$66蚊當時問完，打咗個特，以為係上湯熬，就算。番屋企，一睇，係好普通的一碗。普通上海婆婆都絕對好過佢。真係當我係水魚。

以為老字號仲可以keep得住，但係真係好可惜，買個粢飯$29，要多肉鬆盛惠$42，多榨菜一樣$42，請問加多$11真係會多好多？一開始食已經好唔對路，唔夠熱，唔夠榨菜唔夠肉鬆，同以前好大分別，可能太多人幫襯，唔憂做啦，希望會改善下，榨菜同肉鬆都唔係啲咩好昂貴嘅食材

粢飯勁難食，唔熱之餘，入面餡料既油炸鬼份量少，又唔脆⋯除左「好難食」都唔知講咩好，究竟點解有咁多人買佢地個粢飯？好難食喎！排我前面既客人一下子買三個粢飯，好佩服⋯

早上在銅鑼灣工作，天氣咁凍，食個暖笠笠上海粢飯、鹹豆漿早餐，先夠力氣開工 這裏的上海粢飯，我覺得食材的比例剛好，餡料好多，油炸鬼、肉鬆和菜乾的份量都足夠，各自的味道都夠突出；上菜時溫度都夠熱，食完夠晒暖，又夠晒飽鹹豆漿不過不失，裏面有少少豆渣，不過都幾滑，可能因為加咗調味，豆味唔算好濃郁 P.S. 食物雖好，但店員黑面又好惡，當我和隔籬枱都食緊粢飯豆漿時，阿姐突然掀起地板上的紙皮大反轉，這個舉動令我好愕然，因為地板非常污糟，灰塵可能會沾污我們的食物，下次應該唔會再幫襯

叫咗所謂嘅馳名嫩雞煨麵，結果上嚟喺麵粉湯公仔麵，雞肉又乾又嚡，小棠菜仲要係黃嘅大佬有冇搞錯？使唔使我加埋你點整呀，嫩雞煨麵要用雞湯煨嗰啲麵之後再換上湯上菜㗎大佬，使唔使我教埋你俾埋食譜呀？最嘔血都係湯底幾乎冇味，煨麵最突顯功夫係個煲湯呀大佬，所有上海菜基本嘅基本啊大佬係唔係咁都唔識啊？生煎包塊皮厚過席夢思，入邊仲要係乾嘅，肉味亦都唔係出，成本都唔係咁呀。換咗廚師都唔係咁搞法啊，唔該做返基本嘅上海質素唔好影響我哋上海吃貨嘅聲譽。

其實收貴又越來貴，越難食都算，屋企老人想食冇辦法🤷🏻‍♀️冇禮貌不在話下，因為舊舖老人家做嘢，已經抱有任何期望， 濫收費用亦大大聲📢，對此十分不滿，收錯錢不是問題， 收費是海鮮價， 鍾意點收就點收 ，就是問題， 禮貌地問是否收多了？ 好愕然同冇諗過，老闆娘的回答係咁㗎喇!! 其他店員都呆一呆望住佢咁答雖然唔係多錢，衹係幾十蚊，都冇為爭拗， 但令人很不爽， 未試過咁嬲要即刻需劣評， 雖然知道對件事無效，佢亦唔會改， 當自己宣洩下就算， 費事谷住激親自己

🍽️ Shanghai Hong Kong Noodle Shop is a legendary restaurant that has been tantalizing taste buds for over 20 years. And let me tell you, this place holds a special place in my heart!💥 The menu was a treasure trove of culinary delights, but there was one dish that I simply couldn't resist – the Braised Minced Pork Ball with Vegetable Rice. This dish has been my go-to since I was a little food enthusiast, and it never fails to satisfy my cravings.🍚 The portion size was incredibly generous, it came

已經不計較門面，在中午衹想一試上海麵，叫了一碗牛肉擔擔麵，看到那隻是小形湯麵碗就已經知道份量不多，但是估不到真的少得可憐，雖然牛肉是牛，不過衹有5、6小片(不是完整一片)，麵量就更是衹有兩、三住麵，湯底很稀不正宗，不夠味，總知就是跟60元一碗不相稱，不會再幫襯。