影片
更多
2023-08-13
958 瀏覽
今次嚟到圍方商場裏面，美心集團旗下專食北京烤鴨嘅地方，美中、鴨子。餐廳裝修好雅致，座位與座位之間有足夠嘅空間，唔會坐得太迫。首先嚟嘅係肉粒炒豆角。上菜嘅溫度好夠熱，但略嫌唔夠惹味，豆角亦有啲老，整體來講算係OK。跟住嚟嘅係，香炸黃花魚。一碟有兩條黃花魚，黃花魚肉好鮮嫩，皮炸得好香脆，連骨都可以食埋。然後嚟嘅係蔥油餅。呢個炸蔥油餅係一個好似冬甩嘅圓圈。揸得好酥脆裏面嘅蔥好香，整體來講好食。最後嚟嘅係，呢間餐廳主打嘅北京填鴨。填鴨切得幾靚，肉還肉，皮還皮，肉沒有骨， 皮沒有肥。識落口略嫌欠缺鴨味。鴨嘅脆皮裏面大多數都係脆嘅，但有幾塊係唔脆嘅。其實如果間餐廳唔係主打北京填鴨的話，呢度嘅北京填鴨嘅質量都尚算OK。但弊在佢嘅主打係北京填鴨，所以我覺得呢度嘅北京填鴨係未如我所期望嘅。最後講講餐廳嘅服務質素。佢上菜係冇分次序嘅，雖然我點咗填鴨先之後先至點其他菜式，但係其他菜式嚟咗先，然後隔咗好耐啲填鴨先來，令到成個用餐體驗麻麻。餐廳裏面嘅職員雖然數目不少，但好似都好繁忙，好少會理會客人嘅要求。好多時見到啲碟食完都唔會收。剛剛進入餐廳的時候，亦唔會有侍應主動帶位。令剛剛攞到飛嘅客人如迷途小羔羊喺餐廳裏
餐廳裝修好雅致，座位與座位之間有足夠嘅空間，唔會坐得太迫。
首先嚟嘅係肉粒炒豆角。上菜嘅溫度好夠熱，但略嫌唔夠惹味，豆角亦有啲老，整體來講算係OK。
跟住嚟嘅係，香炸黃花魚。一碟有兩條黃花魚，黃花魚肉好鮮嫩，皮炸得好香脆，連骨都可以食埋。
然後嚟嘅係蔥油餅。呢個炸蔥油餅係一個好似冬甩嘅圓圈。揸得好酥脆裏面嘅蔥好香，整體來講好食。
最後嚟嘅係，呢間餐廳主打嘅北京填鴨。填鴨切得幾靚，肉還肉，皮還皮，肉沒有骨， 皮沒有肥。識落口略嫌欠缺鴨味。鴨嘅脆皮裏面大多數都係脆嘅，但有幾塊係唔脆嘅。其實如果間餐廳唔係主打北京填鴨的話，呢度嘅北京填鴨嘅質量都尚算OK。但弊在佢嘅主打係北京填鴨，所以我覺得呢度嘅北京填鴨係未如我所期望嘅。
最後講講餐廳嘅服務質素。佢上菜係冇分次序嘅，雖然我點咗填鴨先之後先至點其他菜式，但係其他菜式嚟咗先，然後隔咗好耐啲填鴨先來，令到成個用餐體驗麻麻。
餐廳裏面嘅職員雖然數目不少，但好似都好繁忙，好少會理會客人嘅要求。好多時見到啲碟食完都唔會收。
剛剛進入餐廳的時候，亦唔會有侍應主動帶位。令剛剛攞到飛嘅客人如迷途小羔羊喺餐廳裏面迷惘咁樣走動，令成間餐廳有點混亂。
肉粒炒豆角
16 瀏覽
0 讚好
0 留言
黃花魚
16 瀏覽
0 讚好
0 留言
蔥油餅
16 瀏覽
0 讚好
0 留言
北京填鴨
28 瀏覽
0 讚好
0 留言
張貼
