泰國人海南雞 (福榮街)

營業中

休息中

呢間食店都幾多分店，但係我都係第一次幫襯。買野經過又未食飯，於是走入去試吓。門口都有幾個牌講俾人知入面有咩野食。舖內都算幾光猛，卡位就冇啦，半卡位就有嘅，坐得都舒服嘅。餐牌都有好多介紹，食物同飲品嘅數量都幾多。個招牌打正海南鷄，梗係要試吓喇，於是叫左個海南鷄飯套餐。飯嚟啦，賣相就一般，如果一d鷄擺齊整d就會好睇好多。試吓d鷄先，咬落唔靱，都算滑嘅，飯都唔錯。點鷄d汁酸酸而微辣，唔錯幾開胃。冬瓜鷄湯有d泰國風味，但似乎味精重左d，另外重有汽水送添。 取價唔算貴，食品質素平均，d阿姐都幾有禮貌，如果唔係要求高，喱度都食得過嘅。