CIAK - All Day Italian (太古城中心) (已結業)

約咗朋友喺太古，但係諗唔到食咩，想坐得舒服啲所以就揀咗呢度。之前上網見過佢哋嘅黑松露pizza其實一直都想試但當然當日係冇嘅，亦都係諗住食少少野因為時間唔多所以只係點左三款食物。當日晏晝四點所以冇乜人，傾計嘅話環境唔錯。服務方面有待改進啦，叫咗好耐先有人落單。食物方面我覺得Pizza做得唔錯，好脆卜卜加上啖啖都係芝士非常滿足，肥都值得。不過我覺得當日叫呢款小食就唔值咁嘅價錢，分量好少，係幾香口嘅，送酒嘅話一流。整體來講不過不失，唔需要特登去試，不過諗唔到食咩試吓又無妨。