京笹居酒屋

營業中

休息中

我第一次寫食評，我真係唔知點比分呢間餐廳清明節假期，預左會多人，但冇諗過要等咁～耐野食係好食既，不過佢地生意太好，食客太多，等叫野食，等野食上枱，等埋單，等等等落完單， d 野食都出得慢，但係唔算太～慢，都係可接受範圍內。我地食完第一輪，再加單，只係加左 1 樣野，結果等左40分鐘都未黎！ 我地開頭都乖乖地等，等左20分鐘唔對路，催單催左 2 次都未黎！好彩店員好好，佢地都知我地等左好耐，佢地都覺得唔好意思。 我叫取消同埋單，佢地都幫我取消左。不過等埋單又要等多15分鐘！拎張單黎埋單，拎左5分鐘，拎張卡去比錢，再拎返黎又10分鐘。喺餐廳既2個鐘，有一半時間係等。想讚一讚店員，好好禮貌，咁忙都冇話會發脾氣。下次如果可以的話，會平日再去一次，會比多次機會佢既。會建議帶多兩個朋友一齊去，傾下計打發下時間可能就唔覺等左咁耐既。