幸圓

營業中

休息中

約咗朋友在太古一帶食飯， 揀咗一間環境舒適又清靜的地方，位於新座落的商廈， 就在電車路一带，交通方便。店內環境舒適，坐得寬敞，最適合三五知己歡聚。芒果特飲Mango paradise用黃色生果做主題，有芒果 溶同菠蘿汁加上蜜糖， 酸酸甜甜好醒胃，好適合夏日悶熱的天氣。燒牛肉沙律賣相好靚， 牛肉薄片鋪在 沙律上， 牛肉略略燒過， 呈粉紅色，好嫩滑。 沙律菜新鮮， 加上黑醋酸酸的。慢煮紅酒油封鴨腿配自家製雜莓汁店員推介， 呢未主菜較特別， 外面好少有， 好少西餐用鴨髀做主角。外皮燒得脆脆而面肉質嫩滑， 鴨的油香慢慢透出， 惹味得嚟又唔會肥膩。加上 秘製雜莓汁增添滋味。而賣相都好吸引， 薯菜的排列也十分趣緻。 值得推介。士多啤梨芝士奶蓋牛角包窩夫第一次食感覺特別，有窩夫的香脆夾雜住牛角包的層次。而士多啤梨奶蓋酸酸的配上士多啤梨雪糕，味道好夾， 唔會太甜，又一美味推介。