老二花廳 (已結業)

今日專登同朋友黎到哩間復古懷舊Cafe。餐廳裝修復古帶玩味，牆壁有啲搞鬼既壁畫，四周放左唔少80年代既玩意，充斥住歲月既痕跡，非常適合打卡📸️餐牌上面有小食、主食同甜品可以選擇，重點係Cafe既食物質素真係幾高，每樣食物都好食！🍗老二烤春雞 $128每日限量供應，烤春雞外皮烤得香脆惹味，內裏既雞肉嫩滑多汁，配有酥脆既薯角同沙律菜，用黎點薯角既黑松露忌廉醬都好好味。🍝明太子蟹籽意大利粉 $118意粉醬汁creamy濃稠，每一條都均勻沾上醬汁，意粉上亦有唔少蟹肉同蟹籽，明太子味道突出，好食推介👍🏻🍯蜜糖牛油雞翼（四隻） $48雞翼已經開半，非常易食，香脆既雞翼表面塗上蜜糖，另外放左一大舊牛油係上面，可以自己控制份量。雞翼咬落去肉質細嫩，充滿蜜糖同牛油香，亦係好食推介👍🏻🍵京都宇治抹茶豆腐拿鐵（冷） $55抹茶味香濃，但味道唔會苦澀，底層仲有一大舊豆腐，記得攪勻先好飲，豆腐攪勻後細細粒，飲落口感更豐富。🍫特濃朱古力（冷） $48朱古力味濃郁，但係唔會太甜，上面仲有一大舊cream同棉花糖。整體黎講，餐廳環境好有特色，可以影到好多靚相，而且每一樣食物都非常好食，絕對值得推介，亦係值得回訪既餐廳。