漁府 (已結業)

睇到雜誌廣告, 夜晚有半價, 所以特登去左食火鍋。叫左本地肥牛、龍疐肝、豬肉馬交丸、有機雜菜籃、稻庭麵、白鱔。本地肥牛 - 太厚又冇味龍疐肝 - 因為幾特別所以先叫, 其實都貴架, $88得幾塊, 答案係我覺得好味過豬肝, 貪得意都可以一試豬肉馬交丸 - 呢個真係難食, 好硬, 好似雪左好耐咁, 雖然咬落去因為有d魚既細骨既關係所以有d口感, 但唔係一個好好既口感, 仲有d腥有機雜菜籃 - 所謂有機, 就係好多爛葉, 只係得生菜同唐蒿稻庭麵 - $40有一小碗, 但夾落d魚湯底度其實都ok白鱔 - 呢個幾好味, 不過都唔平, 幾十蚊得6塊另外, 有員工送左少量黑柏葉同墨魚仔比我地試, 老實講, 2樣都唔好食~每人仲有一隻鮑魚送, 好似抵番左咁!地方好細, 大概有8-10檯, 唔知係咪因為都已經11點幾, 好雜, d客人全部都係講粗口, 飲醉哂酒果d..不過, 入左去先發現, 所以搞到全程心驚驚。