影片
更多
2016-08-13
2079 瀏覽
今日又再去黃大仙辦事，之後想醫肚就上網搵下有乜好介紹，見好多人有介紹呢間四川菜館 (但其實不少人介紹佢地整嘅上海菜) ， 而我又對老菜館嘅廚藝特別有興趣， 所以就決定走去試試。去到飯店見到內外裝修同店具都幾有歷史味道， 而店內外都貼滿了大大張菜式圖片引人垂涎三尺， 感覺味道應該不錯！！ 因為我去到已經係大約傍晚六點尾左右，以為差不多係食晚飯時間，又見好似係屬於黃大仙幾有人氣老飯店， 我仲驚會好多人去食，要等位。 反之，入去見人影不多， 十多張中小型檯只取得三四席客人。 可能係晚市關係， 明明有多張四人細檯可用， 但職員仍然強烈要求入來嘅小組客人與其他人一同在八人檯拼坐， 而小弟只係一個人用膳， 所以我也被安排已有兩小組客人嘅中檯上拼坐。由於今次得我一人去試食，唔想有太多剩菜，所以只選擇一道小食同主食~~見到餐牌寫上招牌菜有"擔擔麵"， 而我又係愛吃麵之人，此食自然成為我主食嘅選擇喇。另外，小食我就揀咗"素烤夫"~正當我向職員下單之際， 職員問我要唔要將"招牌擔擔麵" 升級為 "改良擔擔麵", 多好多肉碎，好食D! 我見升級都係比"招牌擔擔麵"貴$10 蚊， 要試就試好D喇， 因此我同
去到飯店見到內外裝修同店具都幾有歷史味道， 而店內外都貼滿了大大張菜式圖片引人垂涎三尺， 感覺味道應該不錯！！
因為我去到已經係大約傍晚六點尾左右，以為差不多係食晚飯時間，又見好似係屬於黃大仙幾有人氣老飯店， 我仲驚會好多人去食，要等位。 反之，入去見人影不多， 十多張中小型檯只取得三四席客人。 可能係晚市關係， 明明有多張四人細檯可用， 但職員仍然強烈要求入來嘅小組客人與其他人一同在八人檯拼坐， 而小弟只係一個人用膳， 所以我也被安排已有兩小組客人嘅中檯上拼坐。
由於今次得我一人去試食，唔想有太多剩菜，所以只選擇一道小食同主食~~見到餐牌寫上招牌菜有"擔擔麵"， 而我又係愛吃麵之人，此食自然成為我主食嘅選擇喇。
另外，小食我就揀咗"素烤夫"~
正當我向職員下單之際， 職員問我要唔要將"招牌擔擔麵" 升級為 "改良擔擔麵", 多好多肉碎，好食D! 我見升級都係比"招牌擔擔麵"貴$10 蚊， 要試就試好D喇， 因此我同意升級。
說到老飯店， 餐具上多少都殘留咗唔少用過嘅歷史痕跡， 所以佢地都一早準備咗一個大碗俾客人自己洗完餐具後自行倒水落去。問題就係由於檯上無茶壺或熱水壺俾客人去沖洗， 只有坐下時職員才放上嘅一杯茶水可用， 用後我請職員(給我帳單牌時順便問佢) 幫我添水。第一次問， 個職員敷衍回答我一聲 "哦" 就算， 我諗住佢之後會來添水。一等， 5分鐘過後都無人來， 之後我第二次問， 另一個職員來， 我話5分鐘前請咗你哋其中一位姐姐職員幫我添水， 不過都無咗去向， 麻煩你幫我添好嘛？ 佢就回應我： "唉呀，咁呀？ 好好好， 你等等~~" 。再等多幾分鐘， 我個小食 "素烤夫" 都上菜， 可惜一杯簡單嘅茶水卻再一次俾職員淡淡忽略。最後我再問多一次， 第三次時職員見有其他人都問茶水，所以先有職員安排一細壺茶放下俾人分享。。。。滴汗！
講返食物吧。。。先講講 "素烤夫"
素烤夫
$38
38 瀏覽
0 讚好
0 留言
素烤夫
$38
30 瀏覽
0 讚好
0 留言
1. 味道偏甜
我上海朋友話此道菜要甜先比較好吃，所以如果不太喜歡食太甜就要留意；
2. 烤夫偏硬
烤夫屬於麵筋的一種，由高蛋白質小麥筋粉經過長時間發酵再于以蒸熟的產品。所以如果泡浸時間足夠， 我估應該可以更有口感， 而唔似依家咁好似食緊煲湯肉咁；
3. 雲耳口感蠻不錯， 幾彈牙！
主食喇 ---- "改良擔擔麵" 到~~~
改良擔擔麵
$38
37 瀏覽
0 讚好
0 留言
改良擔擔麵
$38
62 瀏覽
0 讚好
0 留言
1. 湯底看似看濃，實為偏淡。
只能食出辣油味同少量花生味， 可能係D辣油味太濃，蓋過咗傳統擔擔麵內應有嘅芝麻醬同蒜蓉味，沒有想像中嘅傳統味道！
2. 麵條細滑， 但過淋。
我個人覺得比一般麵口感度偏熟， 喜歡食爽口嘅人可能有D失望， 相反， 口感比較適合老年人食用。
3. 肉碎口感一般。
肉碎份量正常，沒有職員講話比"招牌擔擔麵"嘅肉碎量多好多。 除非，"招牌擔擔麵" 裏面係不含肉碎， 咁我個人就覺得這樣比較下， "改良擔擔麵"真係有多好多"肉碎"囉~
個人覺得整體食物味道好一般，沒有網上食評講到咁吸引， 味道有如一般大型連鎖餐飲店， 唔太突出。相反服務態度就真係要多加留意同改善， 不能單單因為有歷史嘅吸引力下就能夠無視服務態度， 點講飲食都係服務業之一。 好似同檯有一小組客人咁， 三人但只有兩人先來， 第三位係大約十分鐘後到。 佢地人齊後想轉坐一步之隔嘅四人細檯， (明明就好多吉檯無人坐) ， 但職員都阻難， 多翻口角下先成功轉檯， 之後我仲聽到我背後嘅職員細細說聲 "咁麻煩，坐咗就唔好轉來轉去喇！"
哇~~客人我坐係佢前面佢都可以照講其他客人不是。 加上又唔忙， 唔係太多客人 (我走時7點半多，入坐率都係得2~3成) ， 我都唔明點解添水都要再三追問先可以做，服務態度真係夠差。就算佢哋廚藝一流，但服務態度咁可怕， 我諗應該無人想咁受氣去用膳吧。 再說我個人覺得佢哋廚藝真係好一般， 我諗唔到有什麼原因再去一試。
除非老闆只係想服務黃大仙本區附近嘅人或者係熟客食就算， 唔想更多區外人去試食，否則就真係要多多向有開心之稱嘅大型連鎖餐飲店學習下佢哋嘅服務態度， 真係好有禮貌！
張貼
