影片
更多
2009-08-23
40 瀏覽
最近再試一次位於 DISCOVERY BAY 嘅ZAKS。其實DB 嘅餐廳有好多, 而有GOOD SEA VIEW 嘅亦差不多間間都有, 不過以食物水準, 價錢同份量而言, zaks 就一定令人非常滿意。 今次無訂檯, 所以18:30就去食飯, 基本上去到19:00都仲可以walk in, 之後就真係要等位喇。 小tips: 如果想坐2人路旁好位, 需要預約。而其他位置基本上都可以睇到好靚嘅夜景, 所以無邊邊坐都無問題, 都有日落睇。 佢地唔係好夠WAITER用, 所以, 要落單攞嘢都係一次過做哂好喇, 如果唔係有排等。 唔飲酒可以點果汁, 不過我建議大家可以點ORANGE/LEMON SQUASH ($25); 反而我點左杯橙汁, 要$40, 不過就唔好飲. 朋友杯ORANGE SQUASH 就好鬼正, 仲平好多添。 點左客THAI SALAD WITH BEEF ($90)。好大碟, 而且牛肉半生熟, 夠厚多汁好好食。 之後嘅BABY BACK RIBS ($250), 大份到....我相信佢係畀左成隻BABY 豬嘅右邊身畀我...所以...好大份....大份到食唔哂, 要打包。
今次無訂檯, 所以18:30就去食飯, 基本上去到19:00都仲可以walk in, 之後就真係要等位喇。
小tips: 如果想坐2人路旁好位, 需要預約。而其他位置基本上都可以睇到好靚嘅夜景, 所以無邊邊坐都無問題, 都有日落睇。
佢地唔係好夠WAITER用, 所以, 要落單攞嘢都係一次過做哂好喇, 如果唔係有排等。
唔飲酒可以點果汁, 不過我建議大家可以點ORANGE/LEMON SQUASH ($25); 反而我點左杯橙汁, 要$40, 不過就唔好飲. 朋友杯ORANGE SQUASH 就好鬼正, 仲平好多添。
點左客THAI SALAD WITH BEEF ($90)。好大碟, 而且牛肉半生熟, 夠厚多汁好好食。
之後嘅BABY BACK RIBS ($250), 大份到....我相信佢係畀左成隻BABY 豬嘅右邊身畀我...所以...好大份....大份到食唔哂, 要打包。 下次最好點STARTER 嘅PORK RIBS, 咁就既有得食RIBS, 又一定食得哂啦。
最後嚟嘅MEXICAN PIZZA ($100) 真係好食到不得了~~ 佢本身已經有十幾款口味可以揀, 而亦有厚薄批畀大家揀非常貼心。是次選左厚底, 好味到呢....個底鬆軟有咬口, 麵粉味好香; 上面嘅辣肉醬香辣惹味非常; 加埋間場嘅墨西哥青豆醬同茄醬, 認真係合到好處, 好耐無食過咁有水準又抵食嘅PIZZA。要知道, 用料愈簡單愈能試出師傅手勢, 呢個PIZZA好食又大份, 食唔哂打包第二日整番熱嚟食, 依然好味, 就知呢個PIZZA抵嗌。
呢間餐廳嘅食物都比較大份, 如果只得2小口, 叫個PIZZA, 2個STARTER已經好夠; 一大班人就可以叫多幾味, 而且仲會平好多添~~!
想浪漫拍個拖, 食個溫馨晚餐嘅朋友, ZAKS 係好選擇, 不過順帶一提: 絕大部份嘅WAITER只識英文, 而且MENU 亦只得英文, 如果要冧女朋友, 就要事前做多少少準備, 免出洋相。
張貼
