美人鍋 (已結業)

Apm又有新野開，今日同老婆去左試下佢，其實黎到門口都有少少卻步，價錢都真係高！不過都試次啦！我知佢唔會心息 😂侍應同我地講叫左午餐可以係出面任飲同拎醬料，咁我地就安座！坐底冇耐就叫野，我叫左豚肉，湯底仲叫左 檸檬莞茜湯，估唔到味道咁清新，雖然個湯咸左少少，但味道唔錯！豚肉份量有D少，又薄！不過質數係好既。日本豬既質數都真係幾好，爽口味道又好，同湯底好夾，即使出面有勁多醬料拎，都唔駛配醬 😋個菜盤好豐富，份量唔細，原來最值錢係個菜盤道，入面應該有十樣唔同既蔬菜，雖然唔知係咪全部黎自日本，但見到個盤係開心！仲有一個麵可以選擇，我叫左 蕎麥麵，食到黎呢道，呢間店跟本就係賣菜 😂 蕎麥麵好彈牙，可以湯麵或者撈麵自己選擇！