影片
更多
2010-02-06
902 瀏覽
我本來都唔會浪費時間寫食評，但今次真係唔講唔高興其實間餐廳裝修後，坐得舒服左又空氣清新左首先，我平常係會上去食lunch嘅,又平又抵食...不過裝修後變相貴左，熱飲無啦啦要加$2，茶餐廳都唔洗啦，如果唔係環境幾舒服，d侍應見慣見熟，服務又幾親切.....可能真係為呢無理嘅$2而食第二度。嗰日夜晚10點幾同朋友揾嘢食經過呢度，諗住試下夜晚d食物 (因lunch幫襯時經理都有推介過夜晚格局唔同同食物都進步左)，點知失望而回......服務更......唉......講食物先啦：我同朋友都唔食海鮮，究竟點解一定要我扒拼海鮮呢？好cheap，好似去左舊式港式西餐廳咁，正式西餐又點會拼來拼去呢咁無選擇下唯有選燒豬肋骨，好彩ok喎，$88超值，值得一讚朋友叫左個鐵板唔知乜(有薄餅跟)，幾特別，幾得意...之前响外國都食過仲有夜晚熱飲又唔洗加$2.....真唔明?????????????? 之後仲叫左半打啤酒。不過....................唔知係咪夜晚d員工有幾份part time咁，毫無笑容似黑面機械人，又唔知係咪我哋2條麻甩佬無吸引力，隔離枱2個靚女先吸引到佢地圍住 (因夜晚全男
其實間餐廳裝修後，坐得舒服左又空氣清新左
首先，我平常係會上去食lunch嘅,又平又抵食...不過裝修後變相貴左，熱飲無啦啦要加$2，茶餐廳都唔洗啦，如果唔係環境幾舒服，d侍應見慣見熟，服務又幾親切.....可能真係為呢無理嘅$2而食第二度。
嗰日夜晚10點幾同朋友揾嘢食經過呢度，諗住試下夜晚d食物 (因lunch幫襯時經理都有推介過夜晚格局唔同同食物都進步左)，點知失望而回......服務更......唉......
講食物先啦：我同朋友都唔食海鮮，究竟點解一定要我扒拼海鮮呢？好cheap，好似去左舊式港式西餐廳咁，正式西餐又點會拼來拼去呢
咁無選擇下唯有選燒豬肋骨，好彩ok喎，$88超值，值得一讚
朋友叫左個鐵板唔知乜(有薄餅跟)，幾特別，幾得意...之前响外國都食過
仲有夜晚熱飲又唔洗加$2.....真唔明??????????????
之後仲叫左半打啤酒。
不過....................唔知係咪夜晚d員工有幾份part time咁，毫無笑容似黑面機械人，又唔知係咪我哋2條麻甩佬無吸引力，隔離枱2個靚女先吸引到佢地圍住 (因夜晚全男班侍應好似鴨場咁) 叫極都冇人應之後，我嬲到諗住叫嗰個似係經理嘅"唯一"女性(因佢係著住扮OL嘅套裝)，點知連佢都係機械人，又是但叫個待應埋嚟，乜好忙咩??? 淨係見佢行來行去唔多做野......又見我朋友話算啦，咁就帶住一肚火埋單走人 (係我第1次$1貼士都冇俾)
老實講我夜晚唔會再嚟，d食物點好都冇用......
Lunch 見啦!!!
張貼