Cafe Hillywood (已結業)

星期五放工約左好友去呢道食飯，兩日前打電話book左位。不過其實冇book都ok，坐左成晚餐廳都係得五成full。店員遞上Menu, background music係John Mayer - Moving On and Getting Over，即刻覺得relax左d，happy friday night就係應該去咁樣既cafe Menu有好多選擇，樣樣都想試最後尾都係叫左本身黎依間cafe既目的 - 本尊海膽三文魚子意粉 $168，同埋牛肝菌釀意大利雲吞 $128。可能因為唔太多檯食客，食物好快就到。海膽三文魚子意粉 - 意粉係fettuccine，比較粗身，個人好like! 意粉好掛汁，海膽大大片、味濃唔腥，不過意粉稍為overcook左d，我prefer al dente、硬d有咬口既。如果多番d三文魚子會更好，令味道更鮮。7.5/10, 可以一試。牛肝菌釀意大利雲吞 - 本身自己好鍾意食ravioli，次次食意大利菜都會嗌。今晚依個ravioli就麻麻地啦，餡料偏鹹，就算有厚厚地既雲吞皮夾埋一齊食都覺得鹹，令到盤入面既白汁同菇食落唔夠味。份量還可以，一盤有8隻大既，6/10。