波仔記車仔麵

營業中

休息中

今日上鵝頸橋熟食中心食晏，天口咁熱冇乜胃口，諗住簡簡單單食碗麵，所以揀咗波仔記。食晏時間真係人山人海，不過嚟呢度係食味道，唔係食環境同服務，最緊要好食。我揀咗一麵三餸$32，有豬紅、豬皮同豬大腸加粗麵。等咗一陣，大大碗車仔麵已經上枱，先呷一口湯，啱喇！就係細時嗰種味道。豬大腸腸味濃， 煙煙韌韌好咬口，正！豬紅夠軟滑，豬皮夠爽，三款餸都好有質素。雖然而家車仔麵越開越多，不過都鍾意搞搞新意思，味道同食材都揾唔番以前嘅味道。難得呢度仲保存到傳統嘅味道，下次嚟一定要叫多两款餸試吓！