美味佳 (已結業)

屹立紅磡多年的串燒鋪-美味佳，相信好多poly 畢業生都食過。鋪內環境唔大，亦好舊式，忙起上黎一張圓台可以逼到10 個人，坐得就麻麻。但如果唔多人，老闆都唔會催你。坐最入果到都要諗清楚，有少少後欄既味（渠？）傳返入黎。必食炒腸粉，有少少脆口，親熱食唔錯。自家沙嗲醬係台面，可按自己口味落，雖然少少稀身，但香味好足。串燒控制個火喉都好重要，一over 左就好燶，overall 佢都冇燶到好勁既情況。不過有d 串燒都偏乾。同埋要對清楚單，有時真係會有甩漏。