霸王川莊 (已搬遷) 新店位置

見到OpenRice有七折，我都好鍾意食酸菜魚，見網上啲平語都幾好，於是就諗住夜晚試吓啦，點知唔知猶自可一試無下次。雖然限聚令，令到人好少，坐得幾舒服，不過我相信平時應該都唔多人。個八寶茶初頭以為係未浸得出味，點知原來係浸極都無味我地兩個人叫咗三個餸，叫咗個酸菜魚，份量確實係好大，不過剩係得個酸味，完全唔辣，酸辣味完全平衡唔到，食到大半左右已經酸到食唔落，而且非常油。同埋叫咗個四川保寧醋香排骨，見到佢話熱賣，以為好好食，點知都係唔得。個醬汁係做得幾好嘅，不過啲肉係完全無肉味，屋企攞嚟煲完湯D排骨嘅肉味仲好味過佢最後叫咗個奶油娃娃菜，呢個算係正正常常，所以如果係食齋嘅應該冇問題，可以一試。有七折都唔覺得抵食，同一個場有大把選擇。