肉肉強食 by 鋒膳 (已結業)

今日去完長沙灣做嘢就超級肚餓，就想搵吓附近有咩大件夾抵食嘅嘢食，搵到呢間叫肉肉強食，個名覺得好搞笑好得意。入到去原來類似舊式扒房鐵板上個種，叫咗兩款牛扒，牛柳同西冷，牛扒有得揀五成或者七成熟。呢度有另一樣野出名，吉列豬柳，先$20咋，所以好貪心地叫埋佢囉，香口好味。另外仲叫咗個手打牛肉漢堡包同朋友分享，個漢堡超厚身，啖啖肉。加18蚊，仲有餐包湯薯菜同埋甜品同埋飲品，完全抵到爛，今餐超抵食之外仲超級飽肚因為份量好大份。餐湯有紅白兩款湯俾你揀，甜品就有啫喱或者雪糕，餐包上枱嘅時候仲暖嘅，有牛油俾你查。性價比好高嘅一餐。