韓牛韓式燒烤 (已結業)

一上到去，見到環境都幾企理，感覺唔錯。韓牛食物種類非常多，除咗用嚟燒烤嘅食物，熟食、刺身、甜品都有，真係冇可能每樣食物都食！一開始梗係先食啲凍海鮮同三文魚刺身啦！ 凍蝦都唔錯㗎，大大隻！跟住攞罐飲品先，天氣咁熱！飲品選擇超多，啤酒都有得任飲！燒烤嘅肉類選擇好多，你諗得出嘅都有！！牛舌、雞腎、大蝦都係必食推介！魚柳都幾好食，落咗啲香草調味，不過就比較容易黐底。店員好樂意換燒烤板，唔使擔心～五花腩都好正，燒完捲啲生菜好好味！食到九成飽就開始食甜品！仲有朱古力噴泉同自己整棉花糖～所以一定要留肚食甜品