肉搏食堂 (已結業)

每次係尖沙咀諗唔到食咩好，都會行下厚福街個邊睇下有乜好食。食肉獸見到成座山咁高嘅黑豚同牛肉盛丼，就忍唔住入左呢間肉搏食堂。餐廳有多款日式丼飯供選擇，除左最基本嘅刺身丼，仲有西班牙黑豚肉、白咖喱滑雞肉、牛肉鵝肝丼。▪️慢煮頂級牛肉盛丼 $88/150g $108/200g今次就嗌左150g~ 比想像中細碗，份量對於女仔黎講啱啱好。慢煮牛肉望落好粉嫩，但食落又唔會覺得好生。薄切牛肉肉質軟腍，唔會太乾柴，不過牛味就唔算好重。丼飯淋滿甜甜地醬汁，加埋蛋汁夠晒撈飯，成碗食落唔會好乾。▪️海膽牡丹蝦雜錦刺身丼 $148雜錦刺身丼就有齊海膽、三文魚、油甘魚、吞拿魚、牡丹蝦、三文魚子。整體刺身質素都算唔錯，而海膽就最有驚喜。鮮甜唔腥幾creamy~牡丹蝦爽滑帶彈性。唯獨刺身份量唔算太多。▪️紫薯鮮奶 $58打卡唔錯喎！本身以為會伏伏地，估唔到凍嘅紫薯鮮奶 紫薯味又幾突岀。甜度唔會太高，仲有啲紫薯粒粒添。▪️朱古力曲奇沙冰 $58個杯好靚！味道正正常常，甜度偏高 比較適合螞蟻人。