影片
更多
2023-04-19
2549 瀏覽
餐廳裝潢帶點工業風，一入去就見到大大個啤酒櫃，五顏六色好搶鏡。食物方面，餐廳有多款扒餐，另外小食亦唔少選擇，而最特別莫過於啤酒款式來自世界各地，數量有幾十款，好難揀呀。😆美國安格斯牛板腱扒 $138餐廳預設牛扒熟度為medium，牛扒size幾大塊，面頭嘅碳燒格紋令賣相加分，聞落有陣陣焦香，肉質偏紮實帶少少筋，切開顏色仲好粉嫩，而且肉味非常濃。牛扒餐包埋沙律菜同薯條，粗身薯條上面仲撒咗啲辣粉，送啤酒一流！豬仔骨併雞鎚 $188見到黑板上有個Chef Special所以點嚟試下，豬仔骨啖啖肉，肉質軟腍又juicy，面頭嘅燒烤醬甜甜地好味呀，而雞鎚一共有4隻，調味剛好幾惹味，呢個係食肉獸之選！另外點咗兩枝啤酒，由香港製造嘅手工啤「Little Bastard」，啤酒花嘅苦味幾出，另一款台灣蜂蜜啤酒「Taipei Honey」，用龍眼蜜一齊釀造，入口幾甜，好啱我呀！整體餐廳食物質素唔錯，而且啤酒選擇好多，有啲仲係出面比較少見，作為酒鬼表示好高興。😆
食物方面，餐廳有多款扒餐，另外小食亦唔少選擇，而最特別莫過於啤酒款式來自世界各地，數量有幾十款，好難揀呀。😆
美國安格斯牛板腱扒 $138
餐廳預設牛扒熟度為medium，牛扒size幾大塊，面頭嘅碳燒格紋令賣相加分，聞落有陣陣焦香，肉質偏紮實帶少少筋，切開顏色仲好粉嫩，而且肉味非常濃。牛扒餐包埋沙律菜同薯條，粗身薯條上面仲撒咗啲辣粉，送啤酒一流！
豬仔骨併雞鎚 $188
見到黑板上有個Chef Special所以點嚟試下，豬仔骨啖啖肉，肉質軟腍又juicy，面頭嘅燒烤醬甜甜地好味呀，而雞鎚一共有4隻，調味剛好幾惹味，呢個係食肉獸之選！
另外點咗兩枝啤酒，由香港製造嘅手工啤「Little Bastard」，啤酒花嘅苦味幾出，另一款台灣蜂蜜啤酒「Taipei Honey」，用龍眼蜜一齊釀造，入口幾甜，好啱我呀！
整體餐廳食物質素唔錯，而且啤酒選擇好多，有啲仲係出面比較少見，作為酒鬼表示好高興。😆
張貼
