素食一家 (已結業)

一向都無特別話喜歡食齋，但今日朋友話比我知，原來食齋都可以好fancy，佢話旺角呢間素食一家真係好好味，叫我一定要黎。日式烤龍蝦球味道炸得非常香口，勁彈牙直情係好似食緊花枝丸咁，呢碟一定要食。魚生剌身拼盤好得意，d素魚生雪到凍凍地，雖然我唔係好知咩黎，不過點上芥茉同日式鼓油，又真係幾似喎，哈哈過下口癮又唔驚寒涼生冷，真係幾好。西檸炸猴頭菇呢味菜係朋友每次黎都會必，皆因猴頭菇炸得好鬆化，點上西檸汁酸微微又酥香，唔怪得之佢咁鍾意。梅子果凍對於梅子控既我，好喜歡呢個果凍，味道好清淡，有陣陣梅子的青味，唔算好酸但好有陣陣香氣。傳統的齋鋪原來已經做到好入屋，隨時當家常便飯食都得。