影片
更多
2022-01-09
367 瀏覽
係幾得意嘅體驗，不過首先係要帶個唔驚蝦嘅人陪你黎食！（又或者自己唔驚！）先講講食物體驗！店名有個蝦字，的確係蝦最出色！啲蝦又大又生猛，亦冇短缺嘅狀況。燒黎食真係十分新鮮！仲爆蝦膏出黎，好好食！除左蝦之外，其實仲有好多其他食物同海鮮，如蠔、蜆、帶子、魷魚等。不過都係擺係冰度比人夾嘅，當然新鮮程度同啲蝦冇得比架啦。帶子同蠔我覺得麻麻地，不過蜆我覺得係鮮甜嘅！其他非海鮮食物就正正路路咁冇乜特別，但冇牛。如果等唔切燒野食，其實仲有少許熟食嘅。不過擺係度煲左好耐嘅冬蔭公蝦我不建議食！啲蝦明顯不新鮮！可能係用翻死左係缸度冇人夾嘅蝦黎整。另外有個不知名飯素粉絲咸到傻左。。。椰汁雞湯薑味過重且唔夠熱，不過叫飲得落口嘅。而肉碎生菜我認為係OK嘅！（可能係唯一OK嘅熟食）服務體驗方面，人手安排有點差。啱啱黎到係得一個人要應付成個場，所以我地都等左好耐先有得坐。但後來老闆同其他員工黎到，服務好反好多。偷聽到老闆痛斥左安排人手個位同事，希望日後呢方面會有所改善！總結！都係幾得意嘅體驗，而啲蝦亦真係非常好食！85折後都要人均320蚊係有啲貴，基本上係食個體驗同食蝦。有錢有時間的話都可一試嘅~
先講講食物體驗！店名有個蝦字，的確係蝦最出色！啲蝦又大又生猛，亦冇短缺嘅狀況。燒黎食真係十分新鮮！仲爆蝦膏出黎，好好食！除左蝦之外，其實仲有好多其他食物同海鮮，如蠔、蜆、帶子、魷魚等。不過都係擺係冰度比人夾嘅，當然新鮮程度同啲蝦冇得比架啦。帶子同蠔我覺得麻麻地，不過蜆我覺得係鮮甜嘅！其他非海鮮食物就正正路路咁冇乜特別，但冇牛。
如果等唔切燒野食，其實仲有少許熟食嘅。不過擺係度煲左好耐嘅冬蔭公蝦我不建議食！啲蝦明顯不新鮮！可能係用翻死左係缸度冇人夾嘅蝦黎整。另外有個不知名飯素粉絲咸到傻左。。。椰汁雞湯薑味過重且唔夠熱，不過叫飲得落口嘅。而肉碎生菜我認為係OK嘅！（可能係唯一OK嘅熟食）
服務體驗方面，人手安排有點差。啱啱黎到係得一個人要應付成個場，所以我地都等左好耐先有得坐。但後來老闆同其他員工黎到，服務好反好多。偷聽到老闆痛斥左安排人手個位同事，希望日後呢方面會有所改善！
總結！都係幾得意嘅體驗，而啲蝦亦真係非常好食！85折後都要人均320蚊係有啲貴，基本上係食個體驗同食蝦。有錢有時間的話都可一試嘅~
張貼
