明記海鮮潮州菜館 (天保大廈)

營業中

休息中

如果想食螄蚶、黃酒雞，第一時間就會諗起「明記」。秘製凍螄蚶（$128）保持水準，醬汁酸酸甜甜，螄蚶肉鮮味。客家黃酒雞（半隻）（$160）湯底酒味濃，材料足，雞件滑，夠哂補。鹵水鵝（$148）份量適中，啖啖肉，冇咩骨，鵝肉唔嚡有咬口，鹵水味唔過咸。豆腐花生墊底。韮菜豬紅（$88）大大碗，粗略估計都有廿粒以上。豬紅有質感唔會一夾就爛，調味醬汁夠哂濃，微辣。少量韮菜有啲韌。菠蘿咕嚕肉（$118）豬柳條啖啖肉，肉質軟腍，無骨，青椒紅椒加菠蘿，味道正常。豬油渣蝦乾生炒菜心苗（$118）火喉差少少，冇乜鑊氣，少少偏濕、偏油膩。1L大凍檸檬茶（$36）超大杯，用大啤酒杯裝。另收加一服務費，沒有茶錢，但有一碟小食（$20）。星期五/六，用餐時間2小時。