一番風味 (已結業)

好少係香港食到有質素既蟹粥啦！呢間做到粥底又綿滑又夠米。蟹既份量好足夠，同埋因為佢用羔蟹，成個粥到染橙哂，令到粥底有好香既蟹羔味，就咁食d粥已經甜到不得了。比水蟹粥更甜！非常出色，我係澳門都食唔到呢個質素。我仲叫左少少海鮮食。花雕蒸蝦同陳皮清蒸鮑魚。花雕蒸蝦：佢有個花雕蛋白底，夾埋d蝦一齊食好fit! 蝦身又唔會霉，好爽口！又無泥味，唔錯！陳皮清蒸鮑魚：size 雖然唔係話好大，但係都好鮮甜，正！餐廳又乾淨，地方又闊，唔會好似一般既中餐館咁坐得好舒服。整體我都好滿意呢餐。