影片
更多
2023-01-05
1333 瀏覽
最近係交友app識咗個混血女生，咁傾咗半個月我就約佢食飯早兩次都幾順利有講有笑，聽d 師兄講見面第3次就要搞掂，咁佢住紅磡，約食飯我就話去紅磡食，睇下食完有冇得送佢返屋企(#$&(@#HF佢問我食唔食得辣，我話都ok不過唔好太辣（我平時食泡菜都會辣到眼濕濕）佢介紹一間佢話好好食嘅叫見面嘅重慶野（講真其實真係好好食，而家諗返佢個招牌d口水都分泌晒出黎），傾下傾下佢話佢有1/2血統係重慶人，佢話呢間勁正宗。去到門口已經勁多人，我借d意話而家開返關好多病毒，不如外賣拎去佢屋企食，咁佢都ok不過屋企好細同埋有養貓，叫我唔好介意，然後就叫外賣。我就叫咗個擔擔麵小辣，平時食擔擔麵都係d花生醬辣唔得去邊。再加個蒜泥白肉，佢就叫個酸菜魚麵。個呀姐好串，佢話我係咪第一次食，係嘅話叫bb辣算。我立即話唔使，小辣就小辣我唔害怕。等咗陣就上咗佢屋企，1xx尺，廚房入面有廁所個種。幾骨子嘅，隻貓仲係度lam我，已經想像到今晚都係lamlam利。一打開個外賣，聞下都覺得勁辣，我手心開始冒汗。抽返個身出黎講，擔擔麵唔係平時食個種花生醬底個d湯麵，係冇乜湯，或者可能d麵索晒，但好能辣，辣油包裹住每條麵，麵係anson
早兩次都幾順利有講有笑，聽d 師兄講見面第3次就要搞掂，
咁佢住紅磡，約食飯我就話去紅磡食，睇下食完有冇得送佢返屋企(#$&(@#HF
佢問我食唔食得辣，我話都ok不過唔好太辣（我平時食泡菜都會辣到眼濕濕）
佢介紹一間佢話好好食嘅叫見面嘅重慶野（講真其實真係好好食，而家諗返佢個招牌d口水都分泌晒出黎），
傾下傾下佢話佢有1/2血統係重慶人，佢話呢間勁正宗。
去到門口已經勁多人，我借d意話而家開返關好多病毒，不如外賣拎去佢屋企食，
咁佢都ok不過屋企好細同埋有養貓，叫我唔好介意，然後就叫外賣。
我就叫咗個擔擔麵小辣，平時食擔擔麵都係d花生醬辣唔得去邊。
再加個蒜泥白肉，佢就叫個酸菜魚麵。
個呀姐好串，佢話我係咪第一次食，係嘅話叫bb辣算。
我立即話唔使，小辣就小辣我唔害怕。
等咗陣就上咗佢屋企，1xx尺，廚房入面有廁所個種。
幾骨子嘅，隻貓仲係度lam我，已經想像到今晚都係lamlam利。
一打開個外賣，聞下都覺得勁辣，我手心開始冒汗。
擔擔麵（小辣）
56 瀏覽
2 讚好
0 留言
蒜泥白肉
31 瀏覽
1 讚好
0 留言
擔擔麵唔係平時食個種花生醬底個d湯麵，係冇乜湯，或者可能d麵索晒，但好能辣，
辣油包裹住每條麵，麵係ansonlo嘅話，d辣油就係神徒。
白肉包住青瓜，好食，滿分之作。
我食第一啖個陣都捱到，但第四啖開始覺得好辣，喉嚨痛到好似中咗新冠咁，
女生問我點解食得咁慢係唔係太辣，
其實我辣到唔係好講到野，都格硬話想食真d，分析下d食材咁。
15分鐘後我食第六啖，個女生話想去洗手間。
我靈機一觸！
將d麵拎去水龍頭過水，沖走d油。
入到廚房，我都冇時間幻想係廁所嘅佢，
急急腳係洗手盤沖下d麵，
沖到個麵白晒但都冇計，總唔能足俾佢知我渣ga
佢問我搞咩，我話倒瀉咗野入黎抹手，
突然！
佢打開咗度廁所門，我地四目對望
佢見到我過水，問我搞咩，佢好嬲，
佢覺得我好似呃咗佢咁，話本身仲諗住今日同我表白，
原來我係一個會掩色自己嘅人，對住佢都講大話，
佢好嬲，衝出咗去門口，口罩都冇戴好就跑咗出樓梯，
我係窗口問佢咁而家點呀
佢大叫話佢好亂佢都唔知，叫我照顧好佢隻貓之後就上咗的士。
我而家係佢屋企第4日，佢仲未返黎，我都唔知點算。
蒜泥白肉
24 瀏覽
2 讚好
0 留言
張貼
