燒蝦蝦 (興泰大廈) (已結業)

太正啦‼️竟然可以俾我食足兩個半鐘！佢哋啲人都幾好㗎唔會吹來走❤️，食埋手頭上嘅食物先走❣️比較貼心一啲。另外原來而家仲有大閘蟹可以叫，鍾意食蟹嘅朋友都可以試一試！📌自選配料枱大家快啲，睇吓呢個自選配料枱！😨啲蜆啊、貴妃蚌啊！其他海鮮多到癲左😳真係for我哋任夾任食😱大家記得睇住自己肚仔嘅容量先至好夾！如果食唔晒就真係嘥料啦🥵📌燒烤爐每一台都有一個燒烤爐，有上下格！我自己建議錫紙兜仔一定要放喺上面嗰格啊，如果唔係好容易會燒燶㗎 ！同埋啲肉都盡量放喺啲容易反面嘅地方，如果唔係都係好容易燶㗎。📌流水蝦哈哈，講咁耐終於講到我哋嘅主角啦！係咪好大隻呢！每一台都會有一個大水缸裝住一啲好活躍嘅蝦仔🦐大家想食幾多就夾落個冰桶到再放落個燒烤爐💁🏻‍♀️