影片
更多
2010-06-12
近排荃灣開左好幾間日本式放題，大家價錢都差不多，上個月已經想試下.....等下等下，今日終於有機會啦！一家三口，七點半到，冇訂檯，walk in 行去，即刻有位，仲俾左張6人檯我地，唔係生意咁冷淡呀?????不過，唔緊要啦，檯大d，放食物方便d~佢地放題分兩款：A. HKD 138加一 (不包刺身)B. HKD 178加一 (包刺身任叫)黎到食，當然要食刺身回下本啦，選了B，不過星期六日、公眾假期要再額外加多10元。雖然得三個人，但都差不多點哂order 紙上的食物，只是每個份量點1/2/3 份，小小地，每樣都試下！上菜速度快，沒有漏單，好快成檯都係野食，服務態度都幾好，特別d經理絕對唔係果d "經過唔理" 果種！不過食物方面就真係麻麻地....刺身，唔夠新鮮，冇本身果種鮮味和甜。炸物，好麻麻，炸蝦食落似食緊炸薯條，好多粉漿和d蝦肉已經散哂><，炸蕃薯，是中國蕃薯的，而不是日本種，沒有甜味。串燒肉串、雞軟骨.....似係超市急凍一包包果d，燒返熱咁。但其他燒牛舌、獅子狗、腸仔、菇類又係自家製成品，好奇怪。(從他們的竹簽得出此結論。)壽司，點左佢d廚師推介黎試試，ok l
一家三口，七點半到，冇訂檯，walk in 行去，即刻有位，仲俾左張6人檯我地，唔係生意咁冷淡呀?????不過，唔緊要啦，檯大d，放食物方便d~
佢地放題分兩款：
A. HKD 138加一 (不包刺身)
B. HKD 178加一 (包刺身任叫)
黎到食，當然要食刺身回下本啦，選了B，不過星期六日、公眾假期要再額外加多10元。
雖然得三個人，但都差不多點哂order 紙上的食物，只是每個份量點1/2/3 份，小小地，每樣都試下！
上菜速度快，沒有漏單，好快成檯都係野食，服務態度都幾好，特別d經理絕對唔係果d "經過唔理" 果種！
不過食物方面就真係麻麻地....
刺身，唔夠新鮮，冇本身果種鮮味和甜。
炸物，好麻麻，炸蝦食落似食緊炸薯條，好多粉漿和d蝦肉已經散哂><，炸蕃薯，是中國蕃薯的，而不是日本種，沒有甜味。
串燒肉串、雞軟骨.....似係超市急凍一包包果d，燒返熱咁。但其他燒牛舌、獅子狗、腸仔、菇類又係自家製成品，好奇怪。(從他們的竹簽得出此結論。)
壽司，點左佢d廚師推介黎試試，ok la，可以接受，難得的是...舊飯團佔的比例不多，食多
幾夠都仲得！
熱食，點了碗龍蝦粥和翅一碗，味道怪怪的，但最搞笑係碗龍蝦粥真的有龍蝦在內，不過是半隻超小迷你龍蝦仔，已熟透了，為血紅色，沒細看的話，以為有隻巨型昆蟲係碗粥裡面
好味的有
芝士焗青口和酒煮蜆....要再數的話.....真的確實沒有了。
如果呢間鋪頭想繼續生存，睇怕真係要再執執d野食先得，門面都靚都好，食物質素太差，好快又要易手架啦！
張貼