LA Restaurant & Dessert Bar (已結業)

夜晚入嚟食個靚飯，兩個人坐左張大卡位，chill~一嚟就嚟左兩杯飲品：1杯Fruit punch 1杯bloody orange，個人較偏好fruit punch，甜甜地，有果味。之後上左碟蒜蓉包做前菜，最開心係有少少蕃茄俾你鋪上塊包上，蕃茄應該加左少少garlic, 變左酸酸甜甜辣辣，蒜蓉包又焗得好入味，跟住再配埋周打魚湯，成件事變得好正。食完前菜，就上左一碟大雞肉串，啲sauce 係精華所在，點少少都已經好入味。隨後更有個芝士焗奇異果，鐘意食奇異果嘅朋友會覺得好正。食完主菜塊扒之後仲有焦糖燉蛋配雲呢拿雪糕。啲焦糖燉蛋真係整得好好味😋