影片
更多
2020-08-17
2590 瀏覽
琴晚突然好想食omakase一早起身十一點打左去幾間都無位因為而家得返lunch 仲未有晚市堂食見到呢間可以網上訂位仲有九折 online book完再打電話去confirm十一點幾book一點，仲有bar枱位。正！雖然網上食評有好有壞 但好嘅居多 即管試下一點鐘準時去到 bar枱位只有兩位客人見佢地差唔多食完 應該係上一輪客人Lunch set只有兩個 一個$739 七件壽司一個$939 六件壽司+三款刺身我地兩個人，一人要一款因為我中意食壽司 所以揀左$739 set揀完餐 上左個前菜Seafood salad陸陸續續有其他book左一點三，一點半嘅客人黎到我無諗過我book左一點原來要等埋一點三，一點半嘅客人黎到揀埋餐先開始有嘢食⋯⋯未試過食omakase係咁 平時都係講好左幾點開始就準時到 以免影響下一輪客人嘅時間 呢間餐廳真係未食已經令我唔多滿意等到一點九 終於有嘢食茶碗蒸蛋係好滑 入面有菇同瑤柱仔 質素普通 無驚喜之後係友人嘅刺身三點上圖係兩片深海池魚，唔記得咩魚卷住個帶子上面有幾粒魚子 普通下圖係廣島蠔 加啲自製source個source好似金銀蒜 同個蠔唔係好夾之後係壽
一早起身十一點打左去幾間都無位
因為而家得返lunch 仲未有晚市堂食
見到呢間可以網上訂位仲有九折
online book完再打電話去confirm
十一點幾book一點，仲有bar枱位。正！
雖然網上食評有好有壞 但好嘅居多 即管試下
一點鐘準時去到 bar枱位只有兩位客人
見佢地差唔多食完 應該係上一輪客人
Lunch set只有兩個
一個$739 七件壽司
一個$939 六件壽司+三款刺身
我地兩個人，一人要一款
因為我中意食壽司 所以揀左$739 set
揀完餐 上左個前菜
Seafood salad
陸陸續續有其他book左一點三，一點半嘅客人黎到
我無諗過我book左一點
原來要等埋一點三，一點半嘅客人黎到揀埋餐先開始有嘢食⋯⋯未試過食omakase係咁 平時都係講好左幾點開始就準時到 以免影響下一輪客人嘅時間 呢間餐廳真係未食已經令我唔多滿意
等到一點九 終於有嘢食
茶碗蒸
蛋係好滑 入面有菇同瑤柱仔 質素普通 無驚喜
之後係友人嘅刺身三點
上圖係兩片深海池魚，唔記得咩魚卷住個帶子上面有幾粒魚子 普通
下圖係廣島蠔 加啲自製source
個source好似金銀蒜 同個蠔唔係好夾
之後係壽司六件
包括
- 金目鯛
- 鰤魚
- 黑鯥魚
- 深海池魚
- 藍鯨吞拿魚
- 北海道帶子+左口魚裙邊
（因為最多擺十二張相就無擺出黎
同其他人影嘅差唔多）
魚嘅種類真係普通 無特別
師傅不斷話個吞拿魚好正
佢醃左兩個星期 迫晒啲魚嘅甜味出黎
吞拿魚係ok 但佢係雪櫃拎出黎就直接比人食
⋯⋯可能我見識少啦 我未食過未解凍嘅魚
有另一款壽司 直情食到有條細骨⋯⋯
另外 啲飯好酸 唔係普通酸 係好x酸
呢個就係我嘅第七件壽司
唔好問我咩黎 因為師傅無講 我都唔知
可能全場得我一個食七件壽司 佢都廢事解釋我聽
但我淨係知舊魚斷開左一半 咁都可以上枱比人食
第一次食omakase 有啲咁嘅‘高’質素嘅魚
最後係令人滿心期待嘅海膽杯
如果唔食海膽可以叫師傅轉拖羅杯
蝦無蝦味 質地淋嘅 可以過梅嘅
海膽一pat pat 唔得乾身
再加埋唔知咩調味同個勁酸嘅醋飯
成個海膽杯食唔到應有嘅鮮味
比啲重口味嘅調味料遮蓋晒⋯⋯
師傅仲無介紹咩產地嘅蝦 邊到嘅海膽
我諗都係普通貨色都廢事介紹你知
最後係魚湯同豆腐雪糕
未試過魚湯係咁油 咁重調味 好似飲味精湯
豆腐雪糕最正常 好有豆腐味 因為唔係自家製
食完成餐飯 覺唔覺得佢係無拌碟個啲薑呢
係呀 佢完全無提供架
唯有不斷飲綠茶 沖一沖上一件壽司啲味囉
佢所有壽司都好重調味
唔知係師傅嘅個人style定想蓋住食材嘅鮮味
仲要一坐低就sell你開酒
師傅開完個廚櫃又無洗手就搓壽司
唉 呢啲時勢好心就再注重啲衛生啦
有九折=免加一，兩位埋單總共$1678
呢個價錢 每人比多百令蚊可以食到另一間出名嘅海膽杯⋯⋯
起碼人地食材食鮮，師傅準時開席
總括黎講：無下次👋🏻
張貼
