Non Kitchen

營業中

休息中

呢排做嘢好忙，終於約到朋友出嚟食飯，梗係要搵間坐得舒服嘅餐廳啦，朋友介紹我去觀塘工業大廈入邊嘅一間隱世西餐，入到去嘅時候估唔到都幾多人，好彩都有張卡位俾我同朋友，餐廳嘅裝修令人感覺好舒服，職員態度亦都好好。今次我同朋友揀咗唔同嘅美食。黑松露薯條作為前菜必須要點，好香濃嘅黑松露味，再加上黑松露醬汁，識落非常惹味，而且覺得太過濃郁嘅話亦都可以沾上茄汁，一樣好味道，而且每一條都仲係熱辣辣。水牛城辣雞翼出面嘅西餐廳已經好少見到有水牛城雞翼，我同朋友一定唔會錯過啦，炸到脆卜卜，而且醬汁唔會過鹹，味道啱啱好，配上沙律菜，即刻減輕油膩感。炭燒紐西蘭西冷牛扒食牛扒一定要嗌五成熟，果然啱啱好，最鍾意烤到有少少趣博博嘅感覺，入邊肉質鮮嫩，最欣賞佢個配菜有薯蓉，非常之香濃嘅牛油味。而且牛扒份量幾大，兩個人食啱啱好。京式烤鴨薄餅好fushion嘅菜式 平時冇試過烤鴨薄餅，加上芝士原來係咁夾。份量唔算好大，食落脆卜卜，總括嚟講所有菜式都好欣賞。