川流 (已結業)

老公一直好想食川菜， 上次住如心staycation 得知灣仔薈賢居有間特式川菜餐廳，所以一早book定位同老公黎撐枱腳！呢間餐廳裝潢好特別，以西式格調為主，仲有個酒吧枱既位，有別於普通川菜館，食川菜都可以好浪漫嫁😆😆首先會送上4小碟頭盤，個人最愛麻辣毛豆，麻香中又帶點清甜，好正！而老公就最愛辣魚皮花生，越食越開胃！ 灌汁小籠包，小籠包外皮好薄，呢道食法好特別，用針管將醋汁直接打入小籠包內，防止穿皮而流失肉汁，創意又貼心，肉汁滿滿，原隻一啖放入口，甚是滋味！水煮魚片，食川菜水煮既菜式係必點既，紅噹噹既賣相已經嚇呆我😂，魚肉無骨滑嫩，辣味完全足夠，仲食到我頭痕🤭但又真係好刺激惹味，真係岩哂愛勁辣既朋友。五十二度慢煮樟茶鴨，我同老公都超愛，上菜時已經嗅到煙燻香，鴨肉以低溫慢煮，肉質腍身不羶不膩，厚切既鴨肉都唔覺鞋口，肉中帶出淡淡煙燻茶味，用旁邊既饃包包住同食，另又一番滋味！黑醋黑毛豚酥肉， 肉調味甜酸度適中，豚肉炸到皮脆肉嫩，仲配合埋菠蘿係底去膩，正呀！