古月

營業中

休息中

朋友係晝就試完古月餐廳嘅「古滑雞飯」後，覺得10分好味，所以晚上就買咗外賣過黎同我一齊試吓（10分感動！感謝！）食嘅一刻真係覺得：名不虛傳！ ！ ！佢嘅雞肉10分嫩滑，上面冧咗佢秘製嘅「古滑汁」，兩者配合得啱啱好，令人食完一舊，又想即刻想食第二舊。我好少會出聲讚啲食物「好味」，但係試佢嘅古滑雞嘅時候，我就忍唔住讚佢：「好好味！」另外，佢得飯仲係用油飯，都係野味滋味之選！朋友仲買埋佢嘅「招牌古月肉骨茶」黎一齊試食。用得「招牌」兩個次，令人好期待！一打開蓋，就見到好大粒嘅蒜頭係正中間，好搞笑！唔理啦，首先梗係試吓佢嘅湯，比較重胡椒味（味道就好似豬肚湯嘅味），同想像中嘅肉骨茶有少少出入⋯雖然佢嘅湯同我哋嘅想像有啲出入，但好欣賞佢材料十足，湯料肉質嫩滑得黎好有口感（唔知道佢揀嘅哩個部位叫咩名）P.S.上網睇返，原來間餐廳請左聽障人士做職員。我未去鋪頭，但如果係真，算係良心企業，值得支持！