小漁港海鮮舫 鮮蒸‧鮮味火鍋

營業中

休息中

朋友食過兩次小漁港都讚不絕口，今次終於約到一齊去，有預先訂位。是日廚師精選套餐每位$298，我地星期三一行四人去食，星期一至四套餐免收加一、茶介同小食，好抵。套餐包八款時令海鮮、二款刺身、四款時蔬、一款主食。刺身象拔蚌爽脆，帶子配檸檬令帶子甜味更突出。小食是避風塘炒鮮魷，避風塘風味，少辣惹味。瀨尿蝦，好大隻。貝款有三款，蕃薯蜆，蟶子，大刀貝。大刀貝最好味，最鮮甜。海蝦、鮑魚、粉絲蒜蓉蒸大扇貝。最喜歡是肉蟹，飽滿肥美多膏。馬友魚其貌不揚，原來係好嫩滑。唔止海鮮好味，蔬菜都好正，甜薯、粟米同南瓜都好甜，蟲草花蒸鮮雞烏冬幾特別，第一次試呢個配搭，味道好不過略嫌雞比較韌。就算再飽都要試粥底，內有珍珠米、排骨、南瓜粒。蒸海鮮嘅湯汁滴落去煲嘅粥充滿鮮味，還有原粒南瓜，好甜。有甜品綠茶和菓子甜品，味道清新。朋友果然無介紹錯，超豐富滿足的晚餐。材料都非常新鮮，完全不用加調味料，食蒸海鮮不用花巧，材料好就是最好。服務好，有店員幫忙蒸海鮮。好多熟客，當晚有幾枱慶祝生日，氣氛熱鬧。