金船長餐廳 (已結業)

係網上見到金船長好多好評，個pizza 仲得過獎。於是乎走黎試下，結果真係無簡錯👍🏿點左朱古力同mocha：不過不失☺️法式焗田螺：係麵包上面抺上田螺同啲汁，好好食，田螺焗得黎吾硬。啲汁食落去有牛油、香草、芝士。好正😋得獎pizza: 黑松露菌醬意式馬斯，真心覺得好食。佢有多種食法：1. 就咁食塊pizza, 一入口，好松化，而且黑松露陣味好香，2. 點草莓醬，酸酸甜甜，但又吾會蓋左黑松露陣味，3.夾菜食，菜味吾係好濃郁，但增加左puzza 既口感，三種食法都好好味，个人中意點草莓👍🏿👍🏿👍🏿最重要係趁熱食。金船長芝士漢堡包：侍應好好，落單果時會問個包分幾份，我地簡左分4份。而塊牛扒就8成熟，一入口，好juicy , 而且塊扒好厚，厚得黎又吾硬，好好味。老虎蝦拼凡立貝天使麵：隻蝦好鮮甜，啲肉吾會梅，好實，凡立貝大大粒，煮得好入味，但又吾會硬，天使麵吸左啲龍蝦汁味，好正今晚餐飯真係好好食。2個人食左$510， 仲要好飽。