閨•家 (西九龍中心) (已結業)

上次陪同事去食過西九龍中心閨.家，返到公司我哋讚口不絕話好食，其他同事也想試吓，今日放工就約埋一齊去食晚飯。鐵板豬扒炒出前一丁：佢哋嘅鐵板炒麵真係好有鑊氣，炒得又香又好味，豬扒軟嫩，大大塊重好入味，出前一丁麵爽口夠味！鐵板雞翼炒烏冬：烏冬都炒得好好味，加咗生菜增加口感，雞翼都好大隻又入味，煎至皮香肉嫩。咖喱雞翼飯：呢間嘅咖喱係必食，咖喱係用上多種香料秘製而成，醬汁又香又濃，揀咗小辣，辣度啱啱好，撈飯食係食不停口。配嫩滑嘅雞翼好惹味！所有飯餐都附送老火湯，老火湯足料夠火喉，味道清甜。凍鴛鴦，凍飲和熱飲都有優惠價。